جاۋىن- شاشىن، تۇمان: 18-ناۋرىز كۇنگى اۋا رايى بولجامى
رەسپۋبليكانىڭ تەك سولتۇستىگىندە اشىق كۇن رايى قالىپتاسادى. ەل بويىنشا جەلدىڭ كۇشەيۋى، تۇمان، كوكتايعاق، جاياۋ بۇرقاسىن بولجانادى. وڭتۇستىكتە سونداي- اق نايزاعاي كۇتىلەدى، دەپ حابارلايدى قازاقپارات.
جامبىل وبلىسىنىڭ سولتۇستىگىندە، تاۋلى اۋداندارىندا تۇمان كۇتىلەدى. وبلىستىڭ شىعىسىندا، وڭتۇستىك- شىعىسىندا، تاۋلى اۋدانداردا - كوكتايعاق، وڭتۇستىك- باتىسىندا، سولتۇستىك- شىعىسىندا، تاۋلى اۋدانداردا - 15-20 م/س جىلدامدىقتا جەل بولجانادى.
ونىڭ ەكپىنى كەيدە 23-28 م/س كۇشەيەدى. تۇركىستان وبلىسىنىڭ تاۋلى، تاۋ بوكتەرلى اۋداندارىندا تۇمان، نايزاعاي كۇتىلەدى. وبلىستىڭ باتىسى مەن سولتۇستىگىندە، تاۋلى جانە تاۋ بوكتەرلى اۋداندارىندا جەل 15-20 م/س كۇشەيەدى.
شىعىس قازاقستان وبلىسىنىڭ سولتۇستىگىندە، شىعىسىندا تۇمان بولادى. جولداردا كوكتايعاق كۇتىلەدى. وبلىستىڭ وڭتۇستىك- باتىسىندا جەل 15-20 م/س كۇشەيەدى.
قاراعاندى وبلىسىنىڭ شىعىسىندا، ورتالىعىندا جاياۋ بۇرقاسىن بولجانادى. كۇندىز- جەلدىڭ كۇشى 15-20 م/س ارتادى. قىزىلوردا وبلىسىنىڭ سولتۇستىگىندە - تۇمان، ورتالىعىندا 15-20 م/س جىلدامدىقتا جەل بولادى.
تۇندە وبلىستىڭ وڭتۇستىگىندە كوكتايعاق كۇتىلەدى. اقتوبە وبلىسىنىڭ شىعىسىندا تۇندە 16 م/س جىلدامدىقپەن جەل سوعادى، وبلىستىڭ وڭتۇستىگىندە تۇندە تۇمان كۇتىلەدى.
قوستاناي وبلىسىنىڭ وڭتۇستىگىندە 15-20 م/س جىلدامدىقپەن جەل سوعادى، سولتۇستىك- شىعىسىندا تۇمان بولادى.
اقمولا وبلىسىنىڭ وڭتۇستىك- شىعىسىندا 15-20 م/س جىلدامدىقپەن جەل سوعادى، تۇندە جانە تاڭەرتەڭ وبلىستىڭ سولتۇستىگىندە تۇمان كۇتىلەدى. الماتى وبلىسىنىڭ سولتۇستىگىندە، تاۋلى اۋداندارىندا تۇمان، شىعىسىندا جەل 15-20 م/س كۇشەيەدى.
باتىس قازاقستان، ماڭعىستاۋ، سولتۇستىك قازاقستان، پاۆلودار وبلىستارىنىڭ سولتۇستىگىندە، تۇندە اتىراۋ وبلىسىنىڭ باتىسىندا تۇمان بولادى.