تۋريستىك ماۋسىمنىڭ باستالۋىنا جانە ءۇرجار اۋىلىنداعى اۋەجايدىڭ جوندەۋ جۇمىسىنا جابىلۋىنا بايلانىستى يندۋستريا جانە ينفراقۇرىلىمدىق دامۋ مينيسترلىگى جالاڭاشكول ستانساسىنا دەيىن جۇرەتىن پويىزداردىڭ ۆاگونىن كوبەيتەدى.
بۇگىندە نۇر-سۇلتان، الماتى، وسكەمەن جانە سەمەي قالالارىنان الاكولگە باراتىن پويىزدار بار.
الماتىدان 352 ورىنعا شاقتالعان سەگىز ۆاگوننان تۇراتىن پويىز تاق كۇندەرى الاكولگە باراتىن.
18- ماۋسىمنان باستاپ «الماتى - دوستىق» جاڭا پويىزى جولعا شىعادى. وندا 11 ۆاگون، 504 جولاۋشىعا ورىن بار. ول اپتاسىنا ءۇش مارتە جۇرەدى.
18- ماۋسىمنان باستاپ جەكەمەنشىك كومپانيا اتالعان باعىتتا 12 ۆاگون، 560 ورىننان تۇراتىن پويىزدى ىسكە قوسادى. وسىلايشا الماتىدان الاكولدىڭ شىعىس جاعالاۋىنا 31 ۆاگون قاتىنايدى.
نۇر-سۇلتاننان «نۇر-سۇلتان - دوستىق پويىزى جۇرەدى. وندا 10 ۆاگون، 456 ورىن بار. ول اپتاسىنا ەكى مارتە جۇرەدى.
18- ماۋسىمنان باستاپ جەكەمەنشىك تاسىمالداۋشى 4 ۆاگونى بار 176 ورىندىق جاڭا پويىز جولعا شىعادى.
سوندا استانادان الاكولدىڭ شىعىس جاعالاۋىنا 24 ۆاگون قاتىنايدى. سونداي-اق وبلىس ىشىندە سەمەي مەن وسكەمەننەن كول جاعاسىنا جاز بويى ەكى پويىز تۇراقتى قاتىنايدى. ولار جەتى جانە سەگىز ۆاگوننان تۇرادى، وندا سايكەسىنشە 364 جانە 416 ورىن بار. بۇرىن 260 ورىندىق بەس ۆاگون عانا جۇرەتىن، بيىل ونداعى ورىن سانى 50 پايىزعا كوبەيدى.
سونىمەن قاتار، الاكولگە جۇرەتىن اۆتوبۋستاردىڭ دا سانى ەكى ەسە ارتقان. كۇنىنە 768 ورىندىق 16 اۆتوبۋس جولعا شىعادى.