قازاقستاندىق 18 جاستاعى فۋتبولشى تۇركيا كلۋبىنداعى العاشقى كەزدەسۋىن وتكىزدى
07:58, 17 - قاراشا 2020
نۇر-سۇلتان. قازاقپارات - فۋتبولدان قازاقستان جاستار قۇراماسىنىڭ ەكس-ويىنشىسى ميكاەل اسقاروۆ تۇركيادا ونەر كورسەتەدى، دەپ حابارلايدى قازاقپارات ءتىلشىسى.
تۇركيانىڭ «فەنەرباحچە» جاستار كلۋبىندا وينايتىن ميكاەل 2002-جىلى شىمكەنت قالاسىندا دۇنيەگە كەلگەن. قازاقستان ازاماتتىعى بار.
2011-جىلى ونىڭ اتا-اناسى تۇركياعا كوشىپ كەتكەن. دەگەنمەن، فۋتبولشى 2018-جىلى قازاقستان جاستار قۇراماسىنىڭ ساپىندا دوپ تەپتى. ميكاەل اسقاروۆتىڭ العاشقى كەزدەسۋى 3:3 ەسەبىمەن اياقتالدى.
ونىڭ كومانداسى «كاراگيۋمريۋك» كلۋبىنا قارسى شىقتى. اسقاروۆ ماتچتىڭ 75-مينۋتىندا ورنىن ارىپتەسى گيۋركانعا بوساتتى.
ايتا كەتەيىك، ميكاەل اسقاروۆ «فەنەرباحچە» ساپىندا Luiz Gustavo، Sinan Gümüş ، Mert Hakan Yandaş ، Diego Perotti، Kemal Ademi، Pappis Cisse سياقتى اتاقتى فۋتبولشىلارمەن بىرگە وينادى.