سونىمەن قاتار جاسى 18 دەن اسقان ەلوردانىڭ 30 تۇرعىنى جەكە كۋالىك الۋ ءۇشىن كوشى-قون قىزمەتىنە جۇگىنبەگەن.
«مۇنداي تۇلعالاردى انىقتاۋ بەلگىلى ءبىر دەڭگەيدە قيىندىق تۋدىرادى. ويتكەنى، قازاقستان ازاماتى ەكەندىگىن ايقىنداۋ جانە ودان ارى جەكە كۋالىك راسىمدەۋ ءۇشىن ادام ءوزى كەلۋى ءتيىس. كەڭەستىك تولقۇجاتپەن جۇرگەندىگى جانە جەكە كۋالىگى جوق ەكەندىگى انىقتالعان تۇلعالاردىڭ بارلىعىنا ولاردىڭ مارتەبەسىن انىقتاۋ ءارى قازاقستان ازاماتىنىڭ قۇجاتىن راسىمدەۋ كومەگى كورسەتىلدى»، - دەدى كوشى-قون پوليتسياسىنىڭ باسشىسى ارمان بايمۇحامبەت.
ماسەلەن، نۇر-سۇلتان قالالىق پوليتسيا دەپارتامەنتى مالىمەتىنشە، پوليتسياعا 1956 -جىلى بەلارۋستا العان ءتولقۇجاتىن اۋىستىرماعان 81 جاستاعى ايەل جۇگىندى.
1957 -جىلى تىڭعا كەلگەن ول سول ۋاقىتتان بەرى قازاقستاندا تۇرىپ جۇمىس ىستەگەن. ءتولقۇجاتى مەن تۋۋ تۋرالى كۋالىگىن جوعالتىپ الۋىنا بايلانىستى قۇجاتتارىن راسىمدەي الماعان. ەلوردانىڭ كوشى-قون قىزمەتىنىڭ قىزمەتكەرلەرى «قازاقستان رەسپۋبليكاسىنىڭ ازاماتتىعى تۋرالى» زاڭعا سايكەس ازاماتشانىڭ قۇقىقتىق مارتەبەسىن انىقتاپ، وعان جەكە كۋالىك جاساپ بەرگەن.
اۆتور: مارلان جيەمباي