اتاۋلى كۇندەر
دۇنيەجۇزىلىك تىڭداۋ كۇنى
بۇل كۇن تىڭداۋ ارقىلى بەيبىتشىلىك پەن تابيعاتتى، مادەنيەت پەن قوعامدى تۇسىنۋگە باعىتتالعان الەمدىك تىڭداۋ جوباسىنىڭ، كوممەرتسيالىق ەمەس ۇيىمنىڭ ارقاسىندا پايدا بولدى. مەرەكە كۇنى كانادالىق كومپوزيتور، مۋزىكا مۇعالىمى، جازۋشى، سۋرەتشى، فيلوسوف جانە قورشاعان ورتانى قورعاۋشى رەيموند ميۋررەي شەيفەردىڭ تۋعان كۇنىنە وراي تاڭدالدى.
ول ەڭ الدىمەن «الەمدى باپتا» كىتابى مەن World Soundscape Project جوباسى ارقىلى تانىمال.
شەيفەر زاماناۋي اكۋستيكالىق ەكولوگيا عىلىمىنىڭ نەگىزىن قالاۋشى بوپ سانالادى.
ەستە قالار وقيعالار
1907-جىلى شىعىس قازاقستاندا ەرەكشە قۇرىلىس - شەگەسىز، اعاشتان جاسالعان مەشىت سالىندى.
2006-جىلى قازاقستان رەسپۋبليكاسىنىڭ دۋبايداعى باس كونسۋلدىعى قازاقستاننىڭ الەمدەگى باسەكەگە بارىنشا قابىلەتتى 50 ەلدىڭ قاتارىنا كىرۋ ستراتەگياسىن اراب تىلىندە جارىققا شىعاردى.
بۇل باسىلىم جەتەكشى اراب ەلدەرىنىڭ رەسمي، عىلىمي جانە ىسكەر توپتارىن ەلباسى جولداۋىنىڭ نەگىزگى باعىتتارىمەن، اتاپ ايتقاندا، پرەزيدەنت نۇرسۇلتان نازاربايەۆتىڭ قازاقستاننىڭ حالىقارالىق دەڭگەيدەگى مادەنيەتارالىق جانە كونفەسسياارالىق ديالوگ ورتالىقتارىنىڭ ءبىرى رەتىندە قىزمەت اتقارۋعا ءازىر ەكەنىن قۋاتتاعان سوزىمەن كەڭىنەن تانىستىرۋعا سەپتىگىن تيگىزدى.
2013-جىلى گالاتس قالاسىندا (رۋمىنيا) قازاقستان رەسپۋبليكاسىنىڭ قۇرمەتتى ەلشىلىگىنىڭ رەسمي اشىلۋ سالتاناتى ءوتتى.
2014-جىلى استانادا ەلوردالىق سوت تورەلىگى سارايىنىڭ جاڭا عيماراتىنىڭ اشىلۋ ءراسىمى ءوتتى. سارايدا 50 ءماجىلىس زالى بار، ول جەرگە استانا قالالىق سوتى، مامانداندىرىلعان اۋدانارالىق ەكونوميكالىق سوت، ەسىل اۋداندىق سوتى جانە ەسىل اۋدانىنىڭ 2№ سوتى ورنالاسقان.
زالداردا سوت پروتسەستەرىن اۋديو-بەينەتىركەۋ جانە بەينەباقىلاۋ جۇيەلەرى ورناتىلعان، بەينەكونفەرەنتسيا وتكىزۋگە ارنالعان ارنايى قۇرىلعى بار.
ازاماتتارعا ىڭعايلى بولۋ ءۇشىن زالدا سوت پروتسەستەرىنە قاتىسۋشىلارعا sms-تاراتۋ جانە ەلەكتروندىق پوشتا ارقىلى اۆتوماتتى تۇردە حابارلاما جىبەرۋ جۇيەسى قاراستىرىلعان.
2014-جىلى استانادا نازاربايەۆ ۋنيۆەرسيتەتى بازاسىندا تەحنولوگيالىق پارك اشىلدى. تەحنوپاركتىڭ جالپى اۋماعى 2 مىڭ شارشى مەتردەن اسادى.
2016 -جىلى وڭتۇستىك قازاقستاندىق كارينا ناجىمەددينوۆا يتاليادا وتكەن حالىقارالىق كونكۋرس- فەستيۆالىنىڭ باس جۇلدەسىن جەڭىپ الدى.
2016 -جىلى «1941. برەست قامالى. قازاقستان» كىتابىندا العاش رەت برەست قامالىن قورعاعان قازاقستاندىقتاردىڭ ءتىزىمى جاريالاندى.
كىتاپتىڭ اۆتورى - تاريح عىلىمدارىنىڭ دوكتورى، ءال-فارابي اتىنداعى قاز ۇ ۋ يۋنەسكو، حالىقارالىق جۋرناليستيكا جانە قوعامداعى مەديا كافەدراسىنىڭ پروفەسسورى ءلايلا احمەتوۆا.
2016 -جىلى ىستانبۇلدا يۋنەسكو دۇنيەجۇزىلىك مۇرا كوميتەتىنىڭ وتىرىسىندا تيان-شان (قازاقستان، قىرعىزستان، وزبەكستان) دۇنيەجۇزىلىك مۇرالار تىزىمىنە كىرگىزىلدى.
2017 -جىلى وڭتۇستىك كورەيادا اسكەري تەڭىز اكادەمياسىندا ءبىلىم الىپ جۇرگەن قازاقستان كۋرسانتى باقتيار كۇيكەن كورەيانىڭ چيندجۋ قالاسىندا وتكەن اۋەسقوي بوكسشىلار اراسىنداعى جارىستا التىن مەدالعا يە بولدى.
سپورتشى ەكى ايقاستا 3:0 ەسەبىمەن جەڭىسكە جەتىپ، بىرەۋى تەحنيكالىق نوكاۋتپەن اياقتالدى، ال ەندى بىرىندە قارسىلاس جەكپە-جەككە شىعۋدان باس تارتتى.
2017-جىلى قىزىلوردا شەكارا جاساعىنىڭ «قىزىلقۇم» شەكارا زاستاۆاسىنا ەرلىگىمەن ەسىمى ەلگە تانىلعان جانقوجا باتىردىڭ اتى بەرىلدى.
2018-جىلى قازاقستاندىق سۋرەتشى، اتوم جوباسىنىڭ قۇرمەتتى ەلشىسى كارىپبەك كۇيىكوۆ حالىقارالىق «يادروسىز بولاشاق ءۇشىن» سىيلىعىنىڭ لاۋرەاتى اتاندى. تابىستاۋ ءراسىمى قازان ايىندا زالتسبۋرگتە ءوتتى (اۆستريا).
2019 -جىلى كوكشەتاۋدا قازاقستانداعى قىزمەتتىك مىندەتىن اتقارۋ كەزىندە مەرت بولعان جالعىز پوليتسەي- ايەل، اقمولا وبلىستىق ءى ءى ب مەديتسينا قىزمەتىنىڭ باستىعى ىشكى قىزمەت پودپولكوۆنيگى بوتاگوز بيجانوۆاعا مەموريالدىق تاقتا اشىلدى.
ول قىزمەتتىك مىندەتىن اتقارۋ كەزىندە مەرت بولعان. بۇل كۇنى بوتاگوز بيجانوۆانىڭ تۋىستارى مەن شاقىرىلعان قوناقتار دەپارتامەنتتىڭ ۆەدومستۆولىق مۋزەيىنە باردى.
قوناقتاردىڭ نازارىنا ەكسپوزيتسيالىق زالدار، سونداي-اق بوتاگوز بيجانوۆانى ەسكە الۋعا ارنالعان ارنايى بۇرىش ۇسىنىلدى. مۇندا كيىمى، ونىڭ ءومىرى مەن قىزمەتى تۋرالى باياندايتىن فوتوسۋرەتتەر، ارىپتەستەرى مەن تۋىستارىنىڭ ەستەلىكتەرى بار كىتاپتار، سونداي-اق اۋىر وق اتقان تاپانشا بار.