«بۇگىنگى تاڭدا كوروناۆيرۋستىڭ الەمدىك پاندەميا بولىپ جاريالانۋىنا جانە مەملەكەت باسشىسى قاسىم-جومارت توقايەۆتىڭ ارنايى الدىن الۋ شارالارىن ىسكە اسىرۋ تۋرالى مالىمدەمەسىنە بايلانىستى ەلوردادا بارلىق بۇقارالىق ءىس-شارالار ۇيىمداستىرىلمايدى. سونداي-اق 18- ناۋرىزعا جوسپارلانعان «قازاق ەلى» مونۋمەنتى الاڭىندا، قالالىق الاڭدا، «جازۋشىلار» اللەياسىندا، «استانا» كونسەرت زالىنداعى شارالار دا وتكىزىلمەيدى»، - دەپ حابارلادى قالا اكىمىنىڭ باسپا ءسوز حاتشىسى اقمارال ولجابايەۆا.
ونىڭ حابارلاۋىنشا، ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق-دراما تەاترى، م. گوركي اتىنداعى مەملەكەتتىك اكادەميالىق ورىس تەاترى مەن قۋىرشاقتار تەاترىندا دا سپەكتاكلدەردىڭ قويىلىمى بولمايدى.
سونىمەن قاتار قالا باسشىلىعى بازار، ساۋدا-ويىن-ساۋىق ورتالىعى، ساۋدا ءۇيى سىندى نىسانداردىڭ ىشىندە جانە اۋماعىندا ءىس-شارالار وتكىزبەۋدى ۇسىنادى.
ەسكە سالا كەتسەك بۇگىن مەملەكەت باسشىسى قاسىم-جومارت توقايەۆ ناۋرىز مەرەكەسىنە ارنالعان شارالاردى جانە اسكەري پارادتى وتكىزبەۋ جونىندە تاپسىرما بەرگەن بولاتىن.