قىتايدىڭ وڭتۇستىك باتىسىندا شاحتاداعى جارىلىستان كەمىندە 18 ادام قازا تاپتى
22:13, 01 - قاراشا 2016
استانا. قازاقپارات - قۇتقارۋشىلار دۇيسەنبى كۇنى چۋنتسين قالاسىندا كومىر شاحتاسىندا بولعان جارىلىستىڭ تاعى ءۇش قۇربانىن تاپتى.
وسىلايشا قازا بولعاندار سانى 18 گە جەتتى.
بۇل تۋرالى «شينحۋا» اگەنتتىگى حابارلادى.
تاعى 15 كەنشى توپىراق استىندا قالدى، ولاردى ىزدەۋ جالعاسۋدا. جارىلىس كەزىندە بارلىعى 35 جۇمىسشى بولعان، ولاردىڭ ەكەۋىن سىرتقا شىعارىپ ۇلگەردى.
وقيعا ورنىندا 400 دەن استام قۇتقارۋشى جۇمىس ىستەۋدە، جەدەل جاردەمنەن 20 بريگادا كەزەكشىلىك ەتۋدە. پوليتسيا تەرگەۋ جۇرگىزۋدە.
چۋنتسين بيلىگى جىلدىق 90 مىڭ توننا ءونىم كولەمىندەگى بارلىق شاحتانى ۋاقىتشا جاۋىپ، قاۋىپسىزدىكتى تەكسەرۋدى باستاماق.