اقشالى الپاۋىت ۇلىنىڭ تويىنا 18 مىڭ جەسىر ايەلدى شاقىردى

استانا. قازاقپارات - ءۇندىستاندا تۇراتىن دجيتەندرا پاتەل اتتى باي بيزنەسمەن ۇلىنىڭ ۇيلەنۋ تويىندا ايدى اسپانعا شىعاردى.

The Times of India حابارلاۋىنشا، شاقىرىلعان قيساپسىز قوناقتاردىڭ اراسىندا 18 مىڭ جەسىر ايەل بولعان.

ايتا كەتۋ كەرەك، XIX عاسىرعا دەيىن ءۇندى جەرىندە جەسىر ايەلدەردى ورتەپ جىبەرۋ سالتى ساقتالدى. «ساتي» دەپ اتالاتىن ءداستۇر بويىنشا كۇيەۋى قايتىس بولعان ايەل وعان ءومىرىنىڭ سوڭىنا دەيىن بەرىلگەندىگىن دالەلدەۋ ءۇشىن ءوز-وزدەرىنە قول سالۋى ءتيىس بولعان.

بۇگىندە «ساتي» سالتى جويىلسا دا، مۇندا جەسىرلەرگە دەگەن جۇرتتىڭ كوزقاراسى تۇزەلە قويماعان. جۇرت ولاردى تويعا شاقىرماق بىلاي تۇرسىن، ءجوندى سويلەسپەيتىن كورىنەدى. سونداي-اق ولاردىڭ اشەكەي بۇيىم تاعىپ، شاشتارىن وسىرۋىنە بولمايدى. جەسىرلەر اق ءتۇستى ساري كيۋگە مىندەتتى. بيزنەسمەننىڭ ايتۋىنشا، وركەنيەتتى قوعام مۇنداي كەرىتارتپا پىكىرلەردەن اۋلاق بولۋى ءتيىس.

ول جاس جۇبايلارعا اينالاداعىلاردىڭ بارلىعى تەرىس اينالعان تاپ وسى ايەلدەردىڭ باتا بەرۋىن شىن جۇرەكتەن قۇپ كورگەن. «جەسىرلەردىڭ باتا بەرۋىن جامان ىرىمعا جاتقىزۋ - ادامنىڭ سول ىرىمعا بۇكىل ساناسىمەن بەرىلىپ سەنۋىنەن»، دەيدى پاتەل.

بيزنەسمەن جەسىرلەردى تويعا شاقىرىپ قانا قويماي، ولاردى سىي-سياپاتقا بولەدى. ول ەڭ كەدەي 500 ايەلگە ءبىر-ءبىر ساۋىندى سيىردان بەرگەن. قالعاندارىنا جىلى كورپە مەن ءۇيدىڭ الدىنا ەگۋگە ارنالعان اعاش شىبىقتارىن سىيلادى، دەپ حابارلايدى 24.kz.