تۇركياداعى جەر استىندا قامالىپ قالعان 18 كەنشىنى قۇتقارۋعا ءۇمىت از
00:07, 31 - قازان 2014
استانا. قازاقپارات - وسى ەلدىڭ پرەمەر- ءمينيسترى احمەت ءداۋىتوعلىنىڭ مالىمدەۋىنشە، قازىر جۇمىسشىلار قالىپ قويعان جەردىڭ ءبارىن سۋ باسىپ قالعان. ول زارداپ شەككەندەردىڭ وتباسىلارىنا باسۋ ايتىپ، جۇمىس بەرۋشىلەر ءتيىستى جازاسىن الاتىنىن جەتكىزدى.
دەگەنمەن قۇتقارىلعان باسقا كەنشىلەر: «ارىپتەستەرىمىز سۋ وتپەيتىن ورىندارعا تىعىلىپ ۇلگەرگەن بولۋى مۇمكىن»، - دەپ وتىر.
احمەت ءداۋىتوعلى، تۇركيانىڭ پرەمەر- ءمينيسترى
- ءبىز بارلىق كۇش- جىگەرىمىزدى قۇتقارۋ جۇمىسىنا جۇمساپ جاتىرمىز. ءبىراق شاحتالاردى باسىپ جاتقان سۋ دەڭگەيى قۇتقارۋشىلاردىڭ جۇمىس ىستەۋىنە قاتتى كەدەرگى كەلتىرۋدە. ءبىز قامالىپ قالعان كەنشىلەردى قۇتقارۋ ءۇشىن كۇن- ءتۇن دەمەي، بارلىق كۇشتەر مەن قۇرالداردى جۇمىلدىرۋدامىز.
جۇزدەگەن ادام ارنايى ناسوستارمەن سۋدى سىرتقا سورىپ جاتىر. ءبىراق سۇڭگۋىرلەردىڭ جەر استىنا تۇسۋىنە ءالى مۇمكىندىك جوق.
ەستەرىڭىزگە سالا كەتەيىك، قايعىلى جاعداي كارامان پروۆينتسياسىندا بولعان. كەن ورنىنداعى اپات كەزىندە جەر استىندا 40 تان استام ادام جۇمىس ىستەگەن. كوبى جەر بەتىنە شىعىپ ۇلگەردى.