استانادا 18 ادام تۇرعىن ءۇي ساتىپ الماقشى بولىپ، اقشالارىنان ايىرىلعان
00:24, 14 - ماۋسىم 2014
استانا. قازاقپارات - نارىق باعاسىنان تومەن مۇلىك ساتىپ الامىن دەپ، الاياقتىڭ ارباۋىنا ءتۇسىپ قالماڭىز.
استانا قالاسىندا 18 ادام تۇرعىن ۇيلەردى ارزان باعاعا ساتىپ الماقشى بولىپ، اقشالارىنان ايىرىلعان. الاياقتار ولاردى الداپ، قارجىنى تالان- تاراجعا سالعان.
بۇل تۋرالى بۇگىن استانا قالاسى پروكۋراتۋراسىندا وتكەن جيىندا ايتىلدى.
وسى جىلدىڭ 5 ايىندا استانا قالاسىندا 1952 الاياقتىق قىلمىس جاسالعان. ارباۋعا تۇسپەس ءۇشىن بوتەن ادامنىڭ كومەگىنە جۇگىنەردە ساقتىق تانىتقان ءجون.
ايدىن رايەۆ، استانا قالاسى پروكۋراتۋراسىنىڭ 2- باسقارما ءبولىمىنىڭ باستىعى:
قىلمىسكەرلەر كومپيۋتەرلىك تەحنيكالار قولداناتىنىن اتاپ وتكەن ءجون. اسىرەسە، 21 جاستان 50 جاسقا دەيىنگى قىلمىسكەرلەر الاياقتىق جولعا تۇسكەنى انىقتالدى.
«قازاقستان» ارناسى