ەر ادامنىڭ ايتۋىنشا، ول قارۋدى مارقۇم اتاسىنان مۇرا ەتىپ العان، ول ۇيدە ۇزاق ۋاقىت ساقتالعان.
«پوليتسيا انىقتاعانداي، MANUFACTURE DARMES ماركالى بۇل قارۋ فرانسۋز دۇكەن مىلتىعى بولىپ شىقتى. قارۋ الەمدە ءتۇتىنسىز وق-دارىگە ارنالعان ويىق قارۋدىڭ العاشقى ۇلگىسى بولدى. سونداي-اق، 1989-جىلى مىلتىق الەمدەگى العاشقى بولىپ پاترون العان. ءبىرقاتار كەمشىلىكتەرگە قاراماستان، 1930-جىلداردىڭ ەكىنشى جارتىسىنا دەيىن ول فرانسۋز جاياۋ اسكەرىنىڭ تۇراقتى قارۋى بولىپ قالدى. كوميسسيانىڭ قورىتىندىسىنا ساي، تاپسىرىلعان قارۋلارعا اقشالاي تولەم قاراستىرىلادى»، - دەدى ۆەدومستۆودان.
ايتا كەتەيىك، پوليتسيا دەپارتامەنتى حالىقتان زاڭسىز ساقتالعان اتىس قارۋىن، وق-دارىلەردى جانە جارىلعىش زاتتاردى ساتىپ الۋ اكسياسىن وتكىزۋدە.
اكسيا اياسىندا ءتورت كۇننىڭ ىشىندە قالا تۇرعىندارى پوليتسياعا 5 قارۋ تاپسىردى. قارۋدى ءوز ەركىمەن تاپسىرعاندارعا ونىڭ تەحنيكالىق جاي-كۇيىنە قاراي وننان جۇزگە دەيىنگى ا ە ك مولشەرىندە تولەم كوزدەلگەن. قارۋ-جاراق زاتتارىن قابىلداۋ ءاربىر اۋماقتىق پوليتسيا ورگانىندا جۇرگىزىلەدى.