قالا بويىنشا بارلىعى ءبىرىنشى كومپونەنتپەن حالىقتىڭ g,8 ۆاكسيناتسيالاندى، دەپ حابارلايدى قازاقپارات قالا اكىمدىگىنىڭ رەسمي سايتىنا سىلتەمە جاساپ.
ەرەكشە بەلسەندىلىك جاسوسپىرىمدەر اراسىندا بايقالادى، دەپ اتاپ ءوتتى قالالىق دەنساۋلىق ساقتاۋ باسقارماسىندا. بۇگىنگى تاڭدا نۇر-سۇلتاندا 18600 دەن استام ادام Pfizer پرەپاراتىمەن ەگىلدى. ونىڭ 12 مىڭنان استامى-12-17 جاستاعى بالالار، 6 مىڭعا جۋىعى بالا ەمىزەتىن ايەلدەر جانە 400 دەن استامى جۇكتى ايەلدەر. دەنساۋلىق ساقتاۋ باسقارماسىندا اتاپ وتكەندەي، ۆاكسيناتسيا پۋنكتەرى نەگىزىنەن جۇمىس كۇندەرى تولتىرىلادى.
«ءبىز دەمالىس كۇندەرى ادامدار ءوز ىستەرىمەن اينالىساتىنىن، وتباسىلارىمەن ۋاقىت وتكىزەتىنىن تۇسىنەمىز، سوندىقتان ۆاكسيناتسيانىڭ ءوسۋى جۇمىس كۇندەرىنە كەلەدى. ءبىراق، وسىعان قاراماستان، ەگۋ پۋنكتەرى دەمالىس جانە مەرەكە كۇندەرى دە جۇمىسىن جالعاستىرۋدا»، - دەپ حابارلادى ۆەدومستۆودان .
سونداي-اق، ەلوردادا تۇرعىنداردىڭ رەۆاكسيناتسياسى جالعاسۋدا. رەۆاكسيناتسيانىڭ ءبىر ايىندا 13 مىڭنان استام ادام ك ۆ ي- عا قارسى ءۇشىنشى رەت ۆاكسينا الدى.
ەستەرىڭىزگە سالا كەتەيىك، مەديتسينالىق ۇيىمداردا دا، ساۋدا كەشەندەرىندە دە قايتا ۆاكسيناتسيالاۋعا بولادى. ال Pfizer الۋ ءۇشىن مەديتسينالىق ۇيىمدار مەن ەلوردالىق مەكتەپتەردىڭ ۆاكسيناتسيا پۋنكتەرىنە عانا جۇگىنۋ قاجەت. قازىرگى ۋاقىتتا امەريكاندىق ۆاكسينا تەك جۇكتى جانە بالا ەمىزەتىن ايەلدەرگە، 12 جاستان 18 جاسقا دەيىنگى بالالارعا ارنالعان.