كوكشەتاۋدا سۋ باسقان جەكە تۇرعىن ۇيلەردىڭ سانى 181 گە جەتتى
اعىمداعى جىلدىڭ 28- شىلدە كۇنى بولعان تابيعاتتىڭ توسىن مىنەزىنەن كوكشەتاۋ قالاسىنداعى ءۋاليحانوۆ كوشەسى (گوركيدەن كەنەسارى كوشەسىنە دەيىن)، گوركي كوشەسى (سيەۆەرنايا كوشەسىمەن قيىلىسار تۇسى)، كۋيبىشيەۆ، كاپتسيەۆيچ، ميرزويان، بايتۇرسىنوۆ، ناۋرىزباي باتىر، ءبىرجان سال، جامبىل جانە ساتبايەۆ كوشەلەرىنىڭ بويىندا ورنالاسقان 181 جەكە تۇرعىن ءۇي، ءبىرقاتار مەملەكەتتىك مەكەمەلەر (وبلىستىق سوت، ا ح ا ج، تاريحي-ولكەتانۋ مۇراجايى، پرەزيدەنت مەكتەبى) توپان سۋدىڭ استىندا قالدى.
مۇنداعى 181 ءۇيدىڭ 55 ىندە سۋدىڭ دەڭگەيى ەدەننەن جوعارى بولدى. ال، قالعان ۇيلەردىڭ جەر تولەلەرى مەن ورامدارىن سۋ شايىپ كەتكەن. سۋدى تارتىپ شىعارۋ جۇمىستارىنا اقمولا وبلىسى ت ج د «ءو س جانە ا ق ج ق» م م 19 بىرلىك تەحنيكاسى، ونىڭ ىشىندە 2 ءورت ءسوندىرۋ - سورعى ستانساسى، قالالىق كوممۋنالدىق قىزمەتتىڭ 24 بىرلىك تەحنيكاسى تارتىلدى.
اۆتور: اسلان وسپانوۆ