قاراپايىم تىلمەن جازىلعاندىقتان اعايىندى گريمدەردىڭ شىعارمالارى كۇللى الەم بالالارىنىڭ نازارىن اۋدارعان بولاتىن.
كورمەگە «اقشاقار مەن گنومدار»، «ۇيقىداعى ارۋ»، «كۇلشە قىز»، « قىزىل تەلپەك» سياقتى ەرتەگىلەرگە جاسالعان بەزەندىرۋلەر قويىلعان. قۇندى جادىگەرلەردىڭ ءبىرى - اعايىندى گريمدەردىڭ وزدەرى 1812-جىلى بەرليندە شىعارعان ەرتەگىلەر جيناعى. جيىندا ءسوز سويلەگەن گەرمانيا ەلشىلىگىنىڭ وكىلدەرى ەكى مەملەكەت اراسىنداعى مادەني بايلانىستار نىعايا بەرەتىندىگىنە سەنىم ءبىلدىردى.
- قازاق ەرتەگىلەرى مەن نەمىس ەرتەگىلەرىنىڭ اراسىندا ۇقساستىق بار ەكەنىن كورمەنى ۇيىمداستىرۋ بارىسىندا بايقادىق. سوندىقتان بۇل كورمەنىڭ ءارى قاراي جالعاسىن تاباتىنىنا سەنىمىم زور، - دەدى اباي اتىنداعى مەملەكەتتىك قورىق-مۇراجايى ديرەكتورىنىڭ ورىنباسارى مەيرامگۇل قايرانبايەۆا.