«2021 -جىلدىڭ قورىتىندىسى بويىنشا ازىق- تۇلىك باعاسىنىڭ ءوسۋى ينفلياتسياعا قوسقان ۇلەستىڭ جارتىسىن يەلەندى. ول ينفلياتسيانىڭ جوعارى قۇبىلمالىلىعىنىڭ باستى فاكتورىنا اينالدى. سول سەبەپتى كەشە مەملەكەت باسشىسى ۇكىمەت پەن اكىمدەر ءۇشىن جۋىرداعى ءۇش جىلدا ازىق- تۇلىك قاۋىپسىزدىگى ماسەلەسىن شەشۋدى نەگىزگى باسىمدىق رەتىندە بەلگىلەدى. ول وسى ماسەلەنى شەشپەي، ەشقانداي شارالار ينفلياتسيانى تۇراقتاندىرۋعا كومەكتەسە المايتىنىن اتاپ ءوتتى. ۇلتتىق بانك الەۋمەتتىك ماڭىزى بار ازىق- تۇلىك تاۋارلارىمەن عانا جۇمىس جۇرگىزبەي، ينفلياتسياعا ءوزىنىڭ ەلەۋلى ۇلەسىن قوساتىن باسقا دا تاماق ونىمدەرى بويىنشا جۇمىس جۇرگىزىلۋى ءتيىس دەپ ەسەپتەيدى»، - دەدى ەربولات دوسايەۆ.
ونىڭ سوزىنە قاراعاندا، بيىل ءبىرىنشى جارتىجىلدىقتا مەملەكەت باسشىسىنىڭ تاپسىرماسى بويىنشا ەنگىزىلگەن جەكەلەگەن تاۋارلار مەن قىزمەتتەردىڭ باعالارىن 180 كۇن مەرزىمىنە ۋاقىتشا رەتتەۋ باعانى تۇراقتاندىرۋعا وڭ اسەر ەتۋگە ءتيىس.
«الايدا، ءبىز رەتتەۋدى الىپ تاستاعاننان كەيىن باعانىڭ بىردەن ءوسىپ كەتۋىنە جول بەرمەۋ ماقساتىندا باسەكەلەستىكتى دامىتۋ جانە شامادان تىس دەلدالدىقتى جويۋ ارقىلى نارىقتىق قاعيداتتاردى ەنگىزۋ جانە «وسال تۇستاردىڭ» ورنىن تولتىرۋ ءۇشىن وسى بەرىلگەن ۋاقىتتى پايدالانىپ قالۋىمىز كەرەك، ويتكەنى ءونىم شىعارۋشىلار شىعىنعا ۇشىراۋ ءۇشىن جۇمىس ىستەمەيدى. بىرلەسكەن شارالارىمىزدى تابىستى ىسكە اسىرۋ جانە اقشا- كرەديت ساياساتىنىڭ تيىمدىلىگىن ارتتىرۋ مەملەكەت باسشىسى العا قويعان ماقساتقا قول جەتكىزۋ ءۇشىن ينفلياتسيانى 2025 -جىلعا تامان %3-4 دالىزىندە تۇراقتاندىرۋعا جانە ورنىقتىرۋعا مۇمكىندىك بەرەدى»، - دەدى ۇلتتىق بانك باسشىسى.