سەمەيدە 180 وقۋشىنىڭ قاتىسۋىمەن دومبىراشىلار فلەشموبى ءوتتى

سەمەي. قازاقپارات - ق ر تۇڭعىش پرەزيدەنتى كۇنىنە وراي سەمەي قالاسىنداعى فيزيكا-ماتەماتيكا باعىتىنداعى نازاربايەۆ زياتكەرلىك مەكتەبىنىڭ وقۋشىلارى دومبىراشىلار فلەشموبىن ۇيىمداستىردى، دەپ حابارلايدى قازاقپارات.

«ۇلى دالا مۇراگەرلەرى» اتاۋىمەن وتكەن فلەشموب حالىق جانە بۇگىنگى قازاقستاندىق كومپازيتورلارىنىڭ تۋىندىلارىن دارىپتەۋگە ارنالدى. شارادا «100 كۇي» جوباسىنا ەنگەن كۇيلەر ىرىكتەلىپ، بىرنەشە كۇي تاڭداپ الىنعان. ونىڭ قاتارىنداعى قۇرمانعازىنىڭ «ادايىن» 7-8 سىنىپ وقۋشىلارىنان قۇرالعان دومبىراشىلار وركەسترى، ال بايجىگىتتىڭ «كوكسەركە» كۇيىن مۇعالىمدەر ورىندادى. سونداي-اق حاكىم ابايدىڭ «تور جورعا» كۇيى كورەرمەن كوڭىلىنەن شىقتى.

فلەشموبقا جالپى سانى 180 وقۋشى قاتىستى. نەگىزىنەن - زياتكەرلىك مەكتەپتىڭ تومەنگى سىنىپ وقۋشىلارىنان قۇرالعان دومبىراشىلار.

«نازاربايەۆ زياتكەرلىك مەكتەپتەرى وقۋشىلارى ءۇشىن قولعا الىنعان «100 كۇي» جوباسىن ۇتىمدى دەپ ايتۋعا بولادى. وسى جوبانىڭ ارقاسىندا قانشاما بالا قولىنا دومبىرانى العاش رەت ۇستادى. كۇي قۇدىرەتىمەن تانىستى. كۇيدىڭ شىعۋ تاريحى، ونىڭ اۆتورى جايلى دا دەرەكتەرگە قانىقتى. فلەشموبقا دايىندىققا اعىمداعى وقۋ جىلى باستالىسىمەن كىرىسكەنبىز. وتكىزىلىپ وتىرعان شارانىڭ ۇتىمدى تۇسى - كونە كۇيلەردى جاڭعىرتۋ»، - دەيدى دومبىرا ۇيىرمەسىنىڭ جەتەكشىسى ماديار اشيروۆ.