الماتىدا بيىل 180 جاس وتباسى جاڭا باسپانا الادى
19:44, 16 - ناۋرىز 2015
الماتى. قازاقپارات - بۇگىن الماتىدا قالالىق تۇرعىن ءۇي باسقارماسىنىڭ ماماندارى قالادا پاتەر الۋدا كەزەكتە تۇرعان جاس وتباسىلارمەن كەزدەستى.
مەكەمە وكىلدەرى جاستارعا «قولجەتىمدى باسپانا»، «نۇرلى جول» باعدارلاماسىنىڭ شارتتارىن ءتۇسىندىردى.
«بيىل «قولجەتىمدى باسپانا-2020» باعدارلاماسى بويىنشا «سامۇرىق قازىنا» ءال- اۋقات قورى اق جەلىسىمەن الماتىلىق جاس وتباسىلارعا ساين- جۇبانوۆ كوشەلەرىنىڭ قيىلىسىنداعى «سوۆرەمەننىي» تۇرعىن ءۇي كەشەنىنەن 194 پاتەر بەرىلدى.
قازاقستان يپوتەكالىق كومپانياسى «العاباس» شاعىن اۋدانىندا 108 پاتەردى پايدالانۋعا بەردى. سونداي-اق، «جاس وتباسى» باعدارلاماسى بويىنشا بيىل اتالعان اۋداندا تاعى دا 180 وتباسىعا پاتەر بەرىلەدى»، - دەدى قالالىق تۇرعىن ءۇي باسقارماسىنىڭ باعدارلاما بويىنشا ساتۋ ءبولىمىنىڭ باس مامانى ازىرەت ەسەيەۆ.
ونىڭ ايتۋىنشا، الماتىدا 2014 - جىلى 198 وتباسى باسپانالى بولسا، 510 جاس وتباسى كەزەكتە تۇر.
اۆتور: گۇلميرا عوسمانالي