تۇركىستاننان 18 جىل بۇرىن جوعالعان ايەل قۇلسارى قالاسىنان تابىلدى
تۇركىستان وبلىسىنان 18 جىل بۇرىن حابار- وشارسىز كەتكەن ايەل اتىراۋ وبلىسىنان تابىلدى. ونىڭ جاقىندا جىلىوي اۋدانىنىڭ ورتالىعى - قۇلسارى قالاسىنا كەلگەنى انىقتالدى، دەپ حابارلايدى Kazinform.
اتىراۋ وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 34 جاستاعى ايەلگە 2005 -جىلى ىزدەۋ سالىنعان. ول سول جىلى اناسىمەن رەنجىسىپ، ۇيىنەن كەتىپ قالعان.
سودان بەرى وتباسىمەن، تۋىستارىمەن بايلانىسقا شىقپاعان. ەلىمىزدىڭ بىرنەشە قالاسىندا، ونىڭ ىشىندە الماتى مەن شىمكەنتتە تۇرعان. ءتۇرلى مەكەمەدە تازالىقشى بولىپ جۇمىس ىستەگەن.
الايدا، ونىڭ جەكە باسىن كۋالاندىراتىن قۇجاتى جوق. سول سەبەپتەن، پوليتسيا قىزمەتكەرلەرىنىڭ باقىلاۋىنا الىنعان.
«تۇركىستان وبلىسىنان 18 جىل بۇرىن حابار-وشارسىز كەتكەن ايەلدىڭ جاقىندا قۇلسارى قالاسىنا كەلگەنى انىقتالدى. ونىڭ تابىلعانى تۋرالى تۇركىستان وبلىستىق پوليتسيا دەپارتامەنتىنە حابارلاندى. تابىلعان ايەل تۋىستارىمەن، ونىڭ ىشىندە اناسىمەن تەلەفون ارقىلى بايلانىسقا شىعىپ، سويلەستى. ەندى ونى تۋىستارىنا جىبەرۋ ءۇشىن ءتيىستى ءىس-شارا قابىلداندى. وعان قۇقىقتىق كەڭەس بەرىلدى»، - دەپ حابارلادى دەپارتامەنتتىڭ باسپا ءسوز قىزمەتى.