«سىزدەن 17- جەلتوقسانعا «دەمالىس كۇنى» مارتەبەسىن قايتارۋ مۇمكىندىگىن قاراستىرۋىڭىزدى سۇرايمىن. 25- قازان - رەسپۋبليكا كۇنى دەمالىس بولىپ بەكىتىلدى. ءبىراق 1- جانە 17- جەلتوقسان دەمالىس كۇندەرى تىزىمنەن الىنىپ تاستالدى. مەن تۇسىنەمىن، بالكىم، ەڭبەك مينيسترلىگى جۇمىس ۋاقىتى مەن دەمالىستىڭ تەڭگەرىمىن نازارعا العان شىعار. دەگەنمەن ءبىز، قازاقستان رەسپۋبليكاسىنىڭ ازاماتتارى 17- جەلتوقساننىڭ ءارقاشان «ۇلتتىق مەرەكە» مارتەبەسىندە بولعانىنا ۇيرەنىپ قالعانبىز»، - دەپ جازدى حابارلاما اۆتورى.
بۇعان قاتىستى جاۋاپ بەرگەن ەڭبەك جانە حالىقتى الەۋمەتتىك قورعاۋ ءمينيسترى ەلدە اتاپ وتىلەتىن مەرەكەلەردىڭ قۇقىقتىق نەگىزدەرى «قر مەرەكەلەر تۋرالى» زاڭىمەن رەتتەلەتىنىن ءمالىم ەتتى.
«قازاقستان رەسپۋبليكاسىندا اتاپ وتىلەتىن مەرەكەلەردىڭ قۇقىقتىق نەگىزدەرى «قازاقستان رەسپۋبليكاسىنداعى مەرەكەلەر تۋرالى» ق ر زاڭىمەن رەتتەلەدى. 16- جەلتوقسان - بۇل 1986-جىلعى جەلتوقسان وقيعاسىنا تىكەلەي بايلانىستى كۇن بولعاندىقتان، مەملەكەتتىك مەرەكە. بۇل ورايدا ەسكە الۋ كۇندەرى 17-18- جەلتوقسان. وسىعان بايلانىستى 17- جەلتوقساندى مەملەكەتتىك مەرەكە رەتىندە اتاپ ءوتۋ ورىنسىز دەپ سانايمىز»، - دەپ جاۋاپ بەردى مينيستر تامارا دۇيسەنوۆا «اشىق ديالوگ» پورتالىنداعى وتىنىشكە.