قىزىلوردا وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا جاپپاي تارتىپسىزدىككە قاتىستى ( 272 ب. 2 ب.)، سونداي- اق اسكەري قىزمەتشىنىڭ ومىرىنە قول سۇعۋشىلىق جاسادى (380-1 ب. 2-ب. 1)، 6) ت.) جانە تەرروريزم اكتىسىن جاسادى (255ب. 4ب.) دەپ ايىپتالعان ق- عا قاتىستى قىلمىستىق ءىس قارالدى.
2022 -جىلدىڭ 5- قاڭتارىندا سوتتالۋشى ق. «ا» ساۋدا ءۇيىنىڭ الدىندا جاپپاي تارتىپسىزدىككە قاتىسىپ، اسكەري قىزمەتشى ت- عا كۇش قولدانعان.
ونىڭ باسقارۋىنداعى «كاماز» اسكەري كولىگىن باسىپ الىپ، ونىڭ رۋلىنە وتىرىپ، گاز پەدالىن ەدەنگە دەيىن باسىپ، كىرپىشپەن تىرەپ، شەگىنىپ جاتقان اسكەري قىزمەتشىلەر ساپىنا قاراي بۇرىپ، ءوزى كولىكتەن سەكىرىپ تۇسكەن.
سالدارىنان جۇك كولىگى اسكەري قىزمەتشى م- نى باسىپ، ول العان جاراقاتىنان وقيعا ورنىندا كوز جۇمعان.
سوتتالۋشىنىڭ كىناسى كۋالاردىڭ ايعاقتارىمەن، قىلمىستىق ءىس ماتەريالدارىنا تىركەلگەن بەينەجازبالارمەن، سونداي- اق سوت- مەديتسينالىق ساراپتاما قورىتىندىسىمەن دالەلدەندى.
مەملەكەتتىك ايىپتاۋشى سوتتالۋشىنى 20 جىلعا باس بوستاندىعىنان ايىرۋدى سۇرادى.
جابىرلەنۋشىنىڭ وكىلى - ءومىر بويىنا سوتتاۋدى، ال سوتتالۋشىنىڭ ادۆوكاتتارى - ونى اقتاۋدى سۇرادى.
قىلمىس اۋىر جانە اسا اۋىر قىلمىستار ساناتىنا جاتادى، ونى جاساعانى ءۇشىن ەڭ جوعارى جازا - ءومىر بويىنا باس بوستاندىعىنان ايىرۋ.
قوعامدىق قاۋىپتىڭ سيپاتى مەن دارەجەسىن، جاۋاپتىلىق پەن جازانى جەڭىلدەتەتىن جانە اۋىرلاتاتىن ءمان- جايدى ەسكەرە وتىرىپ، سوت ق- نى 17 -جىلعا باس بوستاندىعىنان ايىردى.
ول جازاسىن قىلمىستىق- اتقارۋ جۇيەسىنىڭ قاۋىپسىزدىگى بارىنشا جوعارى مەكەمەسىندە وتەيدى.
تەرروريزم اكتىسى ەپيزودى بويىنشا سوتتالۋشى اقتالدى.
سوت ۇكىمى زاڭدى كۇشىنە ەنگەن جوق.