دايانا مۋكينانىڭ جوباسىنىڭ نەگىزگى ەرەكشەلىگى - كوسمەتيكاعا سۋبليماتسيالانعان بيە ءسۇتىن قوسۋ، دەپ حابارلايدى Pavlodarnews.kz.
پاۆلودار وبلىسىنىڭ دارىندى بالالارعا ارنالعان وبلىستىق كوپسالالى ليتسەي-ينتەرناتىن بىتىرگەن ول بۇگىنگى تاڭدا Astana IT University وقۋ ورنىنىڭ ءبىرىنشى كۋرسىندا ءبىلىم الادى . جاس كاسىپكەر كوفە سكرابى، بەتكە ارنالعان كلينسەر جانە بەتكە جانە دەنەگە ارنالعان گەل شىعارادى.
بارلىق ونىمدەردىڭ نەگىزى - تەك تابيعي جانە پايدالى زاتتار. كوسمەتيكا تەرىنىڭ بارلىق تۇرلەرىنە جارامدى جانە ونى ەرەسەكتەر دە، بالالار دا قولدانا الادى.
«بيە ءسۇتىنىڭ Ph جانە ادام تەرىسىنىڭ Ph وتە ۇقساس. بۇل تەرىنى قۇرعاق نەمەسە مايلى قىلمايدى جانە ىڭعايلى ورتا جاساۋعا مۇمكىندىك بەرەدى. سوندىقتان كوسمەتيكا بەتىندە جاڭا بورتپەلەر مەن پيللينگتىڭ پايدا بولۋىنا جول بەرمەيدى. ءونىم پراكتيكالىق گيپواللەرگەندى. قۇرامىندا يممۋنوگلوبۋلين جانە امين قىشقىلدارى بار. ساۋىلمالىدان باسقا، ءبىز ءارتۇرلى مايلاردى، ياعني كوكوس، كاريت، كاكاو قوسامىز. ولار قوسىمشا كۇتىم جاسايدى، ىلعالداندىرادى جانە تەرىنى نارلەيدى. ال بيە ءسۇتى قابىنۋ مەن قىشۋدى جەڭىلدەتەتىپ، قۇرعاق جانە سەزىمتال تەرىگە نازىك كۇتىم جاسايدى»، - دەيدى دايانا مۋكينا.
جاس كاسىپكەردىڭ ايتۋىنشا، پاندەمياعا بايلانىستى سۋبليماتسيالانعان بيە سۇتىمەن قامتاماسىز ەتەتىن كومپانيا ۋاقىتشا جۇمىس ىستەمەيدى. سول سەبەپتى ساتىلىم ۋاقىتشا توقتاتىلدى. ءبىراق ول كوسمەتيكاعا قوساتىن سۋبليماتسيالانعان بيە ءسۇتى قايتادان شىققان كەزدە جۇمىستى قايتا جانداندىراتىنىن ايتادى.
«باعالار وتە قولجەتىمدى. مىسالى، سكراب 550 تەڭگە، بەتكە ارنالعان كلينسەر 500 تەڭگە، ال گەل 1200 تەڭگە تۇرادى. باستاپقىدان مەن كوسمەتيكانى بيۋجەتتىك باعامەن جاساعىم كەلدى. بۇل يدەيام ىسكە استى. ويتكەنى قىمبات كوسمەتيكانى ساتىپ الۋعا كوبىنىڭ جاعدايى كەلە بەرمەيدى. گرانتتى جەڭىپ العاننان كەيىن كوپتەگەن تاپسىرىستار تۇسە باستادى. بۇل سالادا باسەكەلەستەر بار. الايدا، سۋبليماتسيا قولدانىلاتىن كوسمەتيكانىڭ ءدال وسى تۇرىنە الەمدە انالوگى جوق تابيعي كوسمەتيكالىق ءونىم بولىپ تابىلادى»، - دەيدى دايانا مۋكينا.