ەستە قالار وقيعالار
1947 -جىلى شىعىس قازاقستاننىڭ اكىمشىلىك، ونەركاسىپ جانە مادەنيەت ورتالىعى وسكەمەن قالاسىندا قازاقستاننىڭ باس جوبالىق ينستيتۋتى «كازگيپروتسۆەتمەت» قۇرىلدى.
2000 -جىلى الماتىداعى ورتالىق كونسەرت زالىنا كومپوزيتور، قازاقستاننىڭ حالىق ءارتىسى ءشامشى قالداياقوۆتىڭ (1930-1992) ەسىمى بەرىلدى.
2006 -جىلى قازاقستان رەسپۋبليكاسىنىڭ اۋماعىندا «دۇنيەجۇزىندەگى دىندەر»، «ءدىني عيماراتتار» اتتى ەكى پوشتا ماركاسى اينالىمعا ەنگىزىلدى.
2009 -جىلى اقمولا وبلىسىنا قاراستى زەرەندى اۋدانىنداعى قازاقستان اۋىلى جانىنداعى «حان سۇيەگى» توبەسىندە ءۋالي حان (1741-1820) كەسەنەسى بوي كوتەردى.
2010 -جىلى الماتىدا شاكەن ايمانوۆ اتىنداعى «قازاق فيلم» ا ق ءونىمى «جۇك 001» شىتىرمان وقيعالى فيلمىنىڭ ءتۇسىرىلىمى باستالدى. 8 سەريالى فيلمنىڭ رەجيسسەرى - يگور ۆوۆنيانكو، پروديۋسەرى - قانات تورەباي.
فيلمگە يۆار كالنىنش، دوسحان جولجاقسىنوۆ، نۇرجامان ىحتىمبايەۆ، تۇڭعىشباي جامانقۇلوۆ، ليندا نيگماتۋللينا سەكىلدى تانىمال اكتەرلار شاقىرىلدى.
2011 -جىلى ت م د اتقارۋشى كوميتەتى مەن ەۋرازەق جانە استانالار مەن ءىرى قالالار حالىقارالىق اسسامبلەياسى ۇيىمداستىرعان بايقاۋدىڭ ناتيجەسى بويىنشا ت م د مەن ەۋرازەق ۇزدىك قالاسى بولىپ شىمكەنت تانىلدى.
اسسامبلەياعا ت م د- نىڭ 9 ەلىنىڭ 58 قالاسى كىرەدى، ونىڭ ىشىندە قازاقستاندىق ەكى قالا - استانا مەن شىمكەنت بار. شىمكەنت قالا تۇرعىندارىن اۋلالار، كىرەبەرىستەر، دالىزدەر مەن كوپقاباتتى ۇيلەردىڭ ىشكى الاڭقايلارىن اباتتاندىرۋ، قوقىستاردى جيناۋ جانە جىلىتۋ ماۋسىمىنا دايىندىعىنا تارتۋدى ۇيىمداستىرۋعا بايلانىستى وسىنداي ماراپاتتى الدى.
2012 -جىلى سينگاپۋردە قازاقستان رەسپۋبليكاسىنىڭ ەلشىسى ەرلان باۋداربەك-قوجاتايەۆ مەن تۋۆالۋ سىرتقى ىستەر ءمينيسترى اپيساي لەلەميا ءوزارا تۇسىنىستىك مەموراندۋمىنا قول قويدى. قۇجات ەكى ەلدىڭ حالىقارالىق ۇيىمدار اياسىنداعى تىعىز ىنتىماقتاستىعىنا نەگىز قالادى.
2013 -جىلى دۇنيەجۇزىلىك دەنساۋلىق ساقتاۋ ۇيىمى (د د س ۇ) ەۋروپالىق وڭىرلىك بيۋروسىنىڭ حاتى مەن ق ر دەنساۋلىق ساقتاۋ مينيسترلىگى مەملەكەتتىك سانيتارلىق-ەپيدەميولوگيالىق قاداعالاۋ كوميتەتىنىڭ «ماسعۇت ايقىمبايەۆ اتىنداعى قازاق كارانتيندىك جانە زوونوزدى جۇقپالار عىلىمي ورتالىعى» ر م ك ك د د س ۇ- نىڭ وبا اۋرۋى بويىنشا ىنتىماقتاسۋشى ورتالىعى بولىپ تاعايىندالدى.
2018 -جىلى قازاقستاندىق جاس گەولوگتار كومانداسى تايلاندتا وتكەن IESO- 2018، حالىقارالىق جەر تۋرالى عىلىمي وليمپياداعا قاتىستى. وعان الەمنىڭ 40 تان استام ەلىنەن جاس گەولوگتار باق سىنادى. قازاقستان قورجىنىنا 2 التىن مەدالدى كاميلا قاجەن، كۇمىستى اقنازار قاجىمۇرات، 2 قولا جۇلدەنى ءومىرزاق اسىلبەك پەن تاعى ءبىر قولانى يسلام ايتۋعانوۆ سالدى.
2018 -جىلى 18 جاستاعى كوكشەتاۋلىق ۆەلوشاباندوز اندرەي چۋگاي قازاقستان ۆەلوسپورتىنىڭ تاريحىندا العاش رەت كەيرين جارىسىندا جاسوسپىرىمدەر اراسىنداعى ترەكتە ۆەلوسپورتتان الەم چەمپيوناتىنىڭ مەدالىن جەڭىپ الدى.
2019 -جىلى قازاقستان قۇراماسىنىڭ شابۋىلشىسى بۇلبۇل قارتانبايەۆا ەل تاريحىنداعى العاش رەت ايەلدەر ۇلتتىق حوككەي ليگاسىندا (NWHL) ونەر كورسەتەتىن بولدى. بۇلبۇل ەلىمىزدە «بارىس» جۇيەسىندەگى «توميريس» جانە الماتىلىق «ايسۇلۋ» ساپىندا وينادى. ول قازاقستان قۇراماسىندا 2011 -جىلدان بەرى ونەر كورسەتىپ كەلەدى. 5 رەت الەم چەمپيوناتىنا قاتىستى.