قانات يسلام الەمدىك رەيتينگىدە 17- ورىنعا كوتەرىلدى

نۇر- سۇلتان. قازاقپارات - الەمدىك كاسىپقوي بوكس پورتالى BoxRec بۇگىن قازاقستاندىق كاسىپقوي بوكسشى قانات يسلامنىڭ (27-0-0,21 ك و) الماتى قالاسىندا وتكەن جەكپە- جەگىنىڭ ناتيجەسىن رەسمي تىركەدى.

جاڭارتىلعان رەيتينگىگە سايكەس، قانات 137.9 ۇپايمەن ورتا سالماقتا 17- ورىنعا جايعاستى (جەكپە- جەككە دەيىن قانات 89.59 ۇپايمەن 41 - ورىندا بولعان) ، ال قارسىلاسى ۋولتەر كاۋتوندوكۆا (18-2, 17 ك و) 67.88 ۇپايمەن 25- ورىننان 41- ورىنعا سىرعىدى.

ايتا كەتەيىك، ورتا سالماقتىڭ الەمدىك رەيتينگىندە ساۋل الۆارەس (1636 ۇپاي) ، گەننادي گولوۆكين (1277 ۇپاي) جانە دەنيەل دجەيكوبس (709.7 ۇپاي) كوش باستاپ تۇر.

ەسكە سالا كەتەيىك، قانات يسلام الماتى قالاسىنداعى بالۋان شولاق اتىنداعى سپورت سارايىندا 27- جەكپە- جەگىن وتكىزىپ، ناميبيالىق قارسىلاسى ۋولتەر كاۋتوندوكۆانى تورەشىلەر شەشىمى بويىنشا جەڭىپ، ورتا سالماقتاعى WBO International بەلدىگىن قورعاپ قالدى.

مۇحتار قاليموللا ۇلى