اتىراۋدا 17 قازاقستاندىق كومپانيا حالىقارالىق سەرتيفيكاتقا يە بولدى - فوتو
ولاردىڭ بارلىعى «QMC» ج ش س ساپانى باسقارۋ ورتالىعى ۇيىمداستىرعان وقۋدان ءوتىپ، Rina Services SpA Kazakhstan كومپانياسىنىڭ سەرتيفيكاتىنا يە بولدى.
«وقۋ مەن سەرتيفيكاتتاۋ شىعىندارىن «ن ك و ك» كومپانياسى قازاقستاندىق قامتۋدى دامىتۋ جونىندەگى ۇزاق مەرزىمدى ارنايى باعدارلاما شەڭبەرىندە ءوز موينىنا الدى. باعدارلاما مىندەتتەرىنىڭ ءبىرى جەرگىلىكتى كومپانيالاردىڭ حالىقارالىق ستاندارتتارعا سايكەس تۇراقتى دامۋىنا ىقپال ەتۋگە، سونىمەن قاتار قازاقستاندىق مامانداردىڭ بىلىكتىلىگىن ارتتىرۋعا باعىتتالعان.
ISO 9001, ISO 14001, OHSAS 18001, ISO 22000, ISO 50001 ستاندارتتارى بويىنشا حالىقارالىق سەرتيفيكاتتاردىڭ بولۋى جەرگىلىكتى كومپانيالارعا ايتارلىقتاي پايداسىن تيگىزەدى. سونىمەن قاتار، سەرتيفيكاتتاردى العاننان كەيىن، ولار سولتۇستىك كاسپي جوباسىنىڭ تەندەرلەرىنە سەنىمدى تۇردە قاتىسىپ قانا قويماي، بۇكىل الەم بويىنشا باسقا حالىقارالىق كومپانيالارعا ءوز تاۋارلارى مەن قىزمەتتەرى ۇسىنىستارىنىڭ باسەكەگە قابىلەتتىلىگىن ارتتىرادى»، - دەدى «ن ك و ك» جەرگىلىكتى قامتۋ بويىنشا مەنەدجەرى داۋىربەك وتەجانوۆ.