قىتايدا سالىنىپ جاتقان عيمارات قۇلاپ، 17 ادام اجال قۇشتى
08:21, 31 - قازان 2015
استانا. قازاقپارات - ورتالىق قىتايدىڭ حىنان پروۆينتسياسىندا سالىنىپ جاتقان عيماراتتىڭ قۇلاۋى سالدارىنان قۇربان بولعاندار سانى 17 ادامعا جەتتى، دەپ حابارلايدى ت ا س س.
قىتايدىڭ ورتالىق تەليەۆيدەنيەسى سەنبى كۇنى حابارلاعانداي، تاعى 23 ادام جاراقات العان.
قازىرگى كەزدە قۇتقارۋ جۇمىستارى جۇرگىزىلىپ جاتىر، عيماراتتىڭ قۇلاۋ سەبەپتەرى تۋرالى ازىرگە ايتىلمادى.