سوتتالعانداردىڭ مەملەكەت الدىنداعى قارىزى 17 ميلليارد تەڭگەدەن استام - ا. داۋىلبايەۆ
بۇل تۋرالى بۇگىن ءوتىپ جاتقان «تۇزەۋ مەكەمەلەرىندەگى جۇمىسپەن قامتۋ» اتتى ەكىنشى فورۋمدا ق ر باس پروكۋرورى اسحات داۋىلبايەۆ ايتتى.
«بۇگىندە تۇزەتۋ مەكەمەلەرىندە جازاسىن وتەپ جاتقانداردىڭ قارىزى 29 ميلليارد تەڭگەدەن استى، سونىڭ ىشىندە مەملەكەتكە17 ميلليارد تەڭگەدەن استام قارىز. ولاردىڭ تەك % 1 نەمەسە 264 ميلليون تەڭگەسى عانا وتەلدى، ال مەملەكەتكە - 55 ميلليون تەڭگە تولەندى»، - دەدى ول.
ونىڭ ايتۋىنشا، قازىرگى يندۋستريالىق-يننوۆاتسيالىق ەكونوميكاسى، شاعىن جانە ورتا بيزنەستى دامىتۋ جاعدايىندا ەڭبەك ادامى اسا قاجەت.
«سوندىقتان سوتتالۋشى جازاسىن وتەۋ كەزىندە بۇرىنعى تاجىريبەسىن جوعالتپاي، جاڭا ماماندىق يەلەنىپ شىقسا، ەش قيىندىقسىز قوعاممەن ارالاسىپ كەتە الادى. بوستاندىققا شىققان كەزدە شوتىندا العاشقى قادامدارىنا ارنالعان قاراجاتى دا جينالىپ تۇرادى»، - دەدى باس پوكۋرور.
ا. داۋىلبايەۆتىڭ ايتۋىنشا، بۇگىندە كولونيالاردا سوتتالعانداردىڭ ەڭبەككە جارامدىلارىنىڭ تەك % 49 ى جۇمىسپەن قامتىلعان ( 27,2 مىڭنىڭ 3,5 مىڭى).
ال بۇل جالپى جازاسىن وتەۋشىلەردىڭ 0 عانا (43500 سوتتالۋشى). ونىڭ ۇستىنە باس پروكۋروردىڭ ايتۋىنشا، 1987 - جىلدان بەرى تۇزەۋ مەكەمەلەرىندەگى ءوندىرىس قۇرالدارى جاڭارتىلماعان. بۇگىندە قۇرىلعىلاردىڭ % 59 ى ابدەن ەسكىرگەن، %,85 ى ىستەن شىققان. سونىڭ كەسىرىنەن شىعارىلعان تاۋاردىڭ @ ى باسەكەگە قابىلەتسىز.
ايتا كەتەيىك، فورۋمعا ق ر مەملەكەتتىك حاتشىسى گۇلشارا ءابدىقالىقوۆا، كونستيتۋتسيالىق كەڭەس ءتوراعاسى يگور روگوۆ، پارلامەنت دەپۋتاتتارى جانە باسقا دا مەمورگان وكىلدەرى قاتىسۋدا.
اۆتور: ءابۋ-اسقار مەكەش ۇلى