ەڭبەك جانە حالىقتى الەۋمەتتىك قورعاۋ مينيسترلىگى رەداكتسيانىڭ ساۋالىنا وسىلاي دەپ جاۋاپ بەردى، دەپ حابارلايدى قازاقپارات ءتىلشىسى.
«ەڭبەك» باعدارلاماسى شەڭبەرىندە قونىس اۋدارۋشىلارمەن جۇمىس كۇشىنىڭ ۇتقىرلىعىن ارتتىرۋ ءۇشىن ەرىكتى تۇردە قونىس اۋدارۋعا جاردەمدەسۋ بويىنشا مەملەكەتتىك قولداۋ كورسەتۋ تۋرالى الەۋمەتتىك كەلىسىمشارت جاسالادى. ونىڭ شارتى بويىنشا قونىس اۋدارۋشى جاڭا مەكەننەن 5 -جىل ىشىندە كەتكەن جاعدايدا كوشۋگە العان سۋبسيديالاردىڭ جانە تۇرعىن ءۇيدى جالداۋ، كوممۋنالدىق قىزمەتتەرگە اقى تولەۋ بويىنشا شىعىستاردى وتەۋگە بەرىلگەن سۋبسيديالاردى بيۋدجەتكە وتەۋگە مىندەتتى ەكەنى كورسەتىلگەن. ياعني، قونىستانۋ وڭىرىنەن بەكىتىلگەن مەرزىمنەن بۇرىن كەتكىسى كەلەتىن ازاماتتار الىنعان سۋبسيديالاردى تولىق قايتارۋعا ءتيىس»، - دەپ جازادى ۆەدومستۆو وكىلدەرى.
قونىس اۋدارۋشىلاردى قابىلداۋ وڭىرلەرى ايقىندالعان، ولار: اقمولا، قاراعاندى، قوستاناي، پاۆلودار، سولتۇستىك قازاقستان جانە شىعىس قازاقستان وبلىستارى. مينيسترلىكتىڭ مالىمەتى بويىنشا، اتالعان وڭىرلەردەن 176 وتباسى قايتا كوشىپ كەتكەن.
«جۇرگىزىلگەن تالداۋدىڭ ناتيجەسى بويىنشا قونىس اۋدارۋشىلاردىڭ ەلىنە كەرى قايتۋىنىڭ باستى سەبەبى - كليماتتىق وزگەشەلىك (قىستىڭ سۋىقتىعى جانە ۇزاقتىعى)، جەتكىلىكسىز ينفراقۇرىلىم (تابيعي گازدىڭ جوقتىعى) جانە وتباسىلىق جاعدايلار»، - دەپ جازىلعان مينيسترلىك جاۋابىندا. بۇعان دەيىن حابارلاعانىمىزداي، ۆەدومستۆو سوڭعى 4 جىلدا وڭتۇستىكتەن سولتۇستىككە قونىس اۋدارعان وتباسىلارعا قانشا اقشا جۇمسالعانىن ءمالىم ەتتى. سونداي-اق، مينيسترلىك ماماندار «ەڭبەك» كوشى قانداي ماماندىقتار تاپشىلىعىن جويعانىن ايتىپ بەردى. رەسمي دەرەك بويىنشا، جۇمىس كۇشى تاپشى وڭىرلەرگە قونىس اۋدارعان جاستاردىڭ 76 پايىزى جۇمىسقا تۇرعان.
اۆتور: ەسىمجان ناقتىباي