مينيسترلىكتىڭ باسپا ءسوز قىزمەتىنىڭ مالىمەتىنشە، ول ساپار بارىسىندا بورىلىدەگى «م. اۋەزوۆ مۋزەي-ءۇيى»، جيدەبايداعى «اباي مۋزەي-ءۇيى»، «اباي-شاكارىم» ماۆزولەي كەشەنىنىڭ جانە سەمەي قالاسىنداعى باس مۋزەيدىڭ جاي-كۇيىمەن، مەرەيتويعا دايىندىق جانە وتكىزۋ شارالارىنىڭ بارىسىمەن تانىستى.
سونىمەن قاتار ابايدىڭ «جيدەباي-ءبورىلى» قورىق-مۋزەيىندە اباي قۇنانباي ۇلىنىڭ 175 جىلدىق مەرەيتويىن وتكىزۋ جوسپارىن تانىستىرۋ جانە ابايدىڭ «جيدەباي-ءبورىلى» مەملەكەتتىك قورىق-مۋزەيىنىڭ جاڭا ەكسپوزيتسياسىن جاساقتاۋ جيىنىن وتكىزدى.
ق ر مادەنيەت جانە سپورت ۆيتسە-ءمينيسترى سەمەي قالاسىنىڭ زيالى قاۋىم وكىلدەرىنە اباي قۇنانباي ۇلىنىڭ 175 جىلدىق مەرەيتويىن دايىنداۋ جانە وتكىزۋ جونىندەگى جالپى رەسپۋبليكالىق جوسپارمەن تانىستىردى. جالپى رەسپۋبليكالىق جوسپاردا حاكىم ابايدىڭ مۇراسىن ناسيحاتتاۋعا ارنالعان حالىقارالىق، رەسپۋبليكالىق جانە وڭىرلىك مادەني-كوپشىلىك شارالار وتكىزۋ، اباي شىعارمالارىن شەت تىلدەرىنە اۋدارۋ، ابايدىڭ ءومىرى مەن شىعارماشىلىعى، مۇراسى تۋرالى دەرەكتى فيلمدەر ءتۇسىرۋ، عىلىمي-تانىمدىق كونفەرەنتسيالار، سەمينارلار مەن شەتەلدەردە ۇيىمداستىرىلاتىن ءىس-شارالار مەن كورمەلەر جانە تاعى باسقا ءارتۇرلى فورماتتاعى شارالار جوسپارلانىپ وتىرعانىن اتاپ ءوتتى.
جيىن بارىسىندا ابايدىڭ «جيدەباي-ءبورىلى» مەملەكەتتىك قورىق-مۋزەيىنىڭ سەمەي قالاسىنداعى باس عيماراتىنىڭ، ابايدىڭ شىعارماشىلىعى مەن ومىرىنە ارنالعان جاڭا ەكسپوزيتسياسىنىڭ تۇجىرىمداما جوباسى تانىستىرىلدى.
رەسپۋبليكالىق «اباي» قورىنىڭ پرەزيدەنتى، اباي اۋدانىنىڭ قۇرمەتتى ازاماتى و. كارىبجانوۆ، اباي اۋدانىنىڭ قۇرمەتتى ازاماتتارى م. تولعانبايەۆ، شەجىرەشى م. جانبولاتوۆ، پروفەسسور ابايتانۋشى ا. ەسپەنبەتوۆ جيدەبايداعى اباي مۋزەي-ءۇيى، سەمەي قالاسىنداعى باس مۋزەيدىڭ جاڭا ەكسپوزيتسياسىن جاساۋ جونىندە پىكىرلەرىن ايتىپ، نۇرعيسا داۋەشوۆكە ۇسىنىستارىن جانە العىستارىن ءبىلدىردى.