ەلوردا كوشەلەرىندە 1751 جۇمىسشى مەن مىڭنان استام تەحنيكا قار جيناپ ءجۇر

نۇر-سۇلتان. قازاقپارات – كەشە نۇر-سۇلتان كوشەلەرىندەگى قاردى جيناۋعا 1040 تەحنيكا مەن 1751 ادام جۇمىلدىرىلدى، دەپ حابارلايدى قازاقپارات اكىمدىكتىڭ Instagram پاراقشاسىنا سىلتەمە جاساپ.

ال، 18- قاڭتاردان 19- قاڭتارعا قاراعان ءتۇنى قالا كوشەلەرىن قاردان تازالاۋعا 920 تەحنيكا مەن 171 جول جۇمىسشىسى شىققان بولاتىن.

تۇندە قالادان 29912 تەكشە مەتر قار شىعارىلدى (2493 رەيس). 

⠀

جالپى، وسى ۋاقىتقا دەيىن استانا كوشەلەرىنەن 1947742 تەكشە مەتر قار شىعارىلدى (162312 رەيس).