قازىرگى ۋاقىتتا كوروناۆيرۋس ينفەكتسياسىنان 6459 ادام ەم قابىلداپ جاتىر. ونىڭ اراسىندا 34 وسكىنشەك بالا بار. ستاتسيونارلاردا 3196 ناۋقاس جاتىر. 3263 ادام امبۋلاتوريالىق جاعدايدا ەمدەلۋدە. جالپى ناۋقاستاردىڭ اراسىندا 171 ادامنىڭ احۋالى ناشار. سونىڭ ىشىندە 19 ناۋقاستىڭ احۋالى اسا قاتتى اۋىر دەپ باعالانعان. 28 ناۋقاس وكپەنى جاساندى جەلدەتۋ اپپاراتىندا جاتىر.
ق ر دەنساۋلىق ساقتاۋ مينيسترلىگى بۇدان بىلاي تاۋلىكتىك كورسەتكىش تۋرالى اقپاراتتى كۇن سايىن ۇنەمى ۇزبەي جاريالاپ وتىرادى.
بارلىق مالىمەت رەسمي سايتتا جانە ۆەدومستۆونىڭ الەۋمەتتىك جەلىلەردەگى پاراقشالارى ارقىلى تاراتىلادى.
اتاپ ايتقاندا، ناۋقاستاردىڭ جالپى سانى جونىندە، قايتىس بولۋ دەرەكتەرى تۋرالى جانە دە قوعام ءۇشىن ماڭىزدى احۋالدىڭ بارلىعى رەسمي اقپارات كوزدەرىندە جەدەل جاريالانادى. ال، ايماقتارداعى احۋال تۋرالى اقپاراتتى اپتا سايىن دەنساۋلىق ساقتاۋ مينيسترلىگىنىڭ رەسمي وكىلى ارنايى پرەسس- بريفينگتە حابارلاپ تۇرادى.