قالا اكىمدىگىنىڭ مالىمەتىنشە، قازاننىڭ 5-ىنەن 6 سىنا قاراعان تۇندە ەلورداعا شەتەلدەن 4 رەيس، اتاپ ايتقاندا 2 ۇشاق بىرىككەن اراب امىرلىگىنەن، 2 ۇشاق تۇركيا رەسپۋبليكاسىنان كەلىپ قوندى. بارلىعى 483 ادام شەتەلدەن ۇشىپ كەلدى. ونىڭ 333 ىندە COVID-19 تەستىنەن وتكەنى تۋرالى انىقتاماسى بولدى. 20 جولاۋشىنىڭ تەرىس ناتيجە كورسەتكەن س م س حابارلاماسى كەيىن كەلدى. قالعان 150 ادام اۋەجايدان اۋرۋحاناعا جەتكىزىلىپ، پ ت ر ارقىلى زەرتحانالىق زەرتتەۋلەردەن ءوتتى، دەنساۋلىق جاعدايلارى قاناعاتتانارلىق.
ەلگە قايتىپ كەلگەن 170 جولاۋشىنىڭ پ ت ر- تەستى بولماعان.
«بۇگىن نۇر- سۇلتاننىڭ اۋەجايىندا Turkish Airlines, Air Astana جانە Flydubai اۋەكومپانيالارىنىڭ رەيستەرى كەلدى، بارلىعى 478 جولاۋشى جانە 28 ەكيپاج مۇشەسى. 170 جولاۋشىدا پ ت ر- تەستىنىڭ مەرزىمى ءوتىپ كەتكەن نە مۇلدە بولماعان، ولار قوناق ۇيلەردەگى ستاتسيونارلارعا جاتقىزىلدى. دەنە قىزۋى جوعارى جولاۋشىلار بولمادى. پ ت ر- تەستىنەن وتكەن سوڭ جولاۋشىلار ۇيىنە جىبەرىلەدى، ەگەر ولاردىڭ ناتيجەسى وڭ بولسا، ولار جۇقپالى اۋرۋلار اۋرۋحاناسىنا جىبەرىلەدى»، - دەلىنگەن حابارلامادا.