وڭىرلەر بويىنشا ەڭ كوپ بەنزين شىمكەنتتە ءوندىرىلدى. اتالعان قالادا 196,7 مىڭ توننا، جىل ىشىندە 14,6 پايىز. ەكىنشى ورىنعا 155,1 مىڭ توننا بەنزينمەن پاۆلودار وبلىسى جايعاسسا، ءۇشىن ورىنعا 141,7 مىڭ توننا بەنزين وندىرىسىمەن اتىراۋ وبلىسى ورنالاسقان.
ديزەل ءوندىرۋ بويىنشا پاۆلودار وبلىسى كوش باستاپ تۇر. اتالعان وڭىردە 149,1 مىڭ توننا ديزەل ءوندىرىلدى، بۇل وتكەن جىلمەن سالىستىرعاندا 11,1 پايىزعا ارتىق. سونىمەن قاتار شىمكەنتتە 148 مىڭ توننا جانە اتىراۋ وبلىسىندا 109,4 مىڭ توننا ديزەل ءوندىرىلدى.
جالپى وتكەن جىلى ەلىمىزدە 5 ميلليون توننا بەنزين جانە 5,4 ميلليون توننا ديزەل وتىنى ءوندىرىلدى. ءوندىرىستىڭ ءوسۋى 3,1 پايىز جانە 8,3 پايىز قۇرادى.
وتكەن جىلى جەرگىلىكتى كومپانيالار بەنزينمەن ىشكى نارىقتى (سونىمەن قوسا ەكسپورت) تولىق قامتاماسىز ەتتى. ءبىر جىل بۇرىن 99,97 پايىزعا قامتىلسا، ونىڭ الدىڭعى جىلى 99,1 پايىز.
بىلتىر ەلىمىزگە 43,3 مىڭ توننا بەنزين اكەلىندى. اتالعان سەكتورداعى زاڭنامالىق شەكتەۋلەردى ەسكەرە وتىرىپ، ەكسپورت 0,5 پايىزدى قۇرادى نەمەسە 24,2 مىڭ توننا بەنزين ەكسپورتتالدى. بۇل وتكەن جىلمەن سالىستىرعاندا 76 پايىزعا از.
ىشكى نارىقتا بەنزيندى ساتۋ 5 ميلليون تونناعا جەتتى، بۇل 2021-جىلعى قاڭتار-جەلتوقسان ايىمەن سالىستىرعاندا 5,7 پايىزعا ارتىق.
جەرگىلىكتى كومپانيالار ديزەلمەن ىشكى نارىقتى 96,8 پايىزعا قامتاماسىز ەتتى. يمپورت كەرىسىنشە 3,2 پايىزعا دەيىن قىسقاردى. ەلگە 177,7 مىڭ توننا ديزەل وتىنى اكەلىندى، بۇل 2021-جىلعا قاراعاندا 47,2 پايىزعا از. ىشكى نارىقتا ديزەلدى ساتۋ جىل ىشىندە 7 پايىز نەمەسە 5,5 مىڭ تونناعا دەيىن ءوستى.
بيىل قاڭتاردا ەلىمىزدە بەنزين شامالى ارزاندادى (0,1 پايىزعا)، ال ديزەل وتىنى ايتارلىقتاي قىمباتتادى (ءبىر جىلدا بىردەن 15,7 پايىزعا).
ديزەل باعاسىنىڭ ءوسۋى اسىرەسە اتىراۋ وبلىسىنىڭ تۇرعىندارىنا اسەر ەتتى. اتالعان وڭىردە جىل ىشىندە بىردەن 44,8 پايىزعا قىمباتتاعان. س ق و (39,1 پايىز) جانە ش ق و- دا (37 پايىز) باعا ايتارلىقتاي ءوستى. ماڭعىستاۋ، قىزىلوردا وبلىسى جانە الماتىدا ديزەل باعاسى وتكەن جىلعى دەڭگەيدە قالدى. ال ۇلىتاۋ وبلىسىندا ديزەل وتىنى 2,8 پايىزعا ارزاندادى.
بۇعان دەيىن قازاقستان بارلىق كولىك تۇرلەرى ءۇشىن بەنزين مەن ديزەل وتىنىن اكەتۋگە تاعى دا تىيىم سالىناتىنى تۋرالى ايتىلدى. اتاپ ايتقاندا، عىلىمي-زەرتتەۋ جۇمىستارىن جۇرگىزۋ ءۇشىن مايلار، سۇيىق وتىندى جانە اۆياتسيالىق وتىندى قوسپاعاندا، بەنزيندى، ديزەل جانە مۇناي ونىمدەرىنىڭ جەكەلەگەن تۇرلەرىن اكەتۋگە تىيىم سالىنباق.