بۇل تۋرالى توتەنشە جاعدايلار مينيسترلىگىنىڭ رەسمي وكىلى رۋسلان يمانقۇلوۆ ءمالىم ەتتى، دەپ حابارلايدى قازاقپارات ءتىلشىسى.
«ءبىر كىرەبەرىسى بار 16 قاباتتى 127 پاتەرلى ءۇيدىڭ بولجام بويىنشا 8-قاباتتاعى پاتەرىندە جارىلىس بولدى.
وقيعا ورنىنا جەتكەن كەزدە انىقتالعانداي، 8-قاباتتاعى پاتەر اشىق جالىنمەن جانىپ جاتىر.
قۇتقارۋشىلار پاتەرلەردەن ادامداردى قۇتقارۋ جانە ەۆاكۋاتسيالاۋ جۇمىستارىن جۇرگىزۋدە.
ءۇي كىرەبەرىسىنە ءتۇتىن قاتتى تاراعان.
قاراعاندى وبلىستىق توتەنشە جاعدايلار دەپارتامەنتىنىڭ، شۇعىل- قۇتقارۋ جاساعىنىڭ، اپاتتار مەديتسيناسى ورتالىعىنىڭ كۇشتەرى مەن قۇرالدارى، بارلىعى جەكە قۇرامنىڭ 50 ادامى مەن 12 تەحنيكاسى جۇمىلدىرىلدى»، - دەلىنگەن ۇسىنىلعان حابارلامادا.
قاۋىپسىز جەرگە شىعارىلعان تۇرعىنداردى جىلىتۋ ءۇشىن وقيعا ورنىنا قاراعاندى وبلىستىق توتەنشە جاعدايلار دەپارتامەنتىنىڭ 3 ۆاحتالىق اۆتوبۋسى جونەلتىلدى.