بۇل تۋرالى ق ر اۋىل شارۋاشىلىعى ۆيتسە-ءمينيسترى باعلان بەكباۋوۆ ورتالىق كوممۋنيكاتسيالار قىزمەتىندە وتكەن بريفينگىدە ايتتى.
«ەرتەڭنەن باستاپ ەلورداداعى «EXPO» حالىقارالىق كورمە ورتالىعىندا 12-14- قازان ارالىعىندا «KazAgro/KazFarm-2022» كورمەسى وتەدى.
كورمە نارىققا اگروونەركاسىپتىك سەكتورعا اگرارلىق عىلىمنىڭ سوڭعى الەمدىك جەتىستىكتەرىن ەنگىزۋگە ىقپال ەتەتىن جەتەكشى الەمدىك اۆتو كونتسەرندەردىڭ، يننوۆاتسيالىق تەحنولوگيالار مەن اگرارلىق سەكتوردى دامىتۋ باعدارلامالارىنىڭ اۋىل شارۋاشىلىعىنداعى جاڭا تەحنيكا مەن جابدىقتاردى ۇسىنادى»، - دەدى مينيسترلىك وكىلى.
ايتۋىنشا، كورمەگە اۋىل شارۋاشىلىعىنا تىڭ تەحنولوگيالار ۇسىنىپ جۇرگەن وندىرۋشىلەر كەلەدى. اراسىندا قازاقستاندىق كاسىپورىندار دا، شەتەلدىك ءىرى كومپانيالار دا بار.
«سونداي-اق كورمە اياسىندا وسىمدىك شارۋاشىلىعى وزاتتارىنىڭ ەكىنشى سلەتى وتكىزىلەدى. ونىڭ اياسىندا سالانىڭ ۇزدىك وكىلدەرىنىڭ ەڭبەگى اتاپ وتىلەدى. بيىل سلەت ۇكىمەت قاۋلىسىنا سايكەس جىل سايىن 16- قازاندا اتاپ وتىلەتىن نان كۇنىنە ارنالعان ءبىزدىڭ ۇلكەن كاسىبي مەرەكەمىز ءدوپ كەلىپ وتىر. ءداستۇر بويىنشا، سلەت نەگىزگى ەگىن جيناۋ ناۋقانىنىڭ سوڭىندا وتەتىن ەدى. ال بيىل ءبىزدىڭ فەرمەرلەردىڭ جەتىستىگى وسى كورمەدە پاش ەتۋگە لايىق بولعالى تۇر»، - دەدى ۆيتسە-مينيستر.