تۇركيادا جۇك كولىگى كوپشىلىكتى قاعىپ كەتتى، 16 ادام قايتىس بولدى
11:19, 21 - تامىز 2022
نۇر-سۇلتان. قازاقپارات - تۇركيانىڭ دەريك قالاسىندا جۇك كولىگى حالىقتى قاعىپ كەتتى.
جەرگىلىكتى اقپارات قۇرالدارىنىڭ حابارلاۋىنشا، كولىكتىڭ تەجەگىشى ىستەن شىققان، - دەپ حابارلايدى قازاقپاراتتىڭ مەنشىكتى ءتىلشىسى.
وقيعا جانارماي قۇيۋ بەكەتىنىڭ جانىندا بولعان. بەينەجازبادا جۇك كولىگىنىڭ كوپشىلىككە قاراي جۇيتكىپ بارا جاتقانى كورسەتىلگەن. پوليتسيانىڭ ايتۋىنشا، ول الدىمەن توقتاپ تۇرعان ەكى كولىككە سوقتىعىسقان. اپات سالدارىنان 16 ادام قازا تاپتى، تاعى 20 دان اسا ادام جاراقات الدى.
وقيعا ورنىندا توتەنشە جاعدايلار قىزمەتى مەن پوليتسيا جۇمىس ىستەپ جاتىر.