س ق و-دا جوعالعان 16 جاستاعى جاس ءوسپىرىمدى باقتاشى تاۋىپ الدى
س ق و ايىرتاۋ اۋداندىق پوليتسيا ءبولىمىنىڭ مالىمەتىنشە، پوليتسيانىڭ ۋچاسكەلىك ينسپەكتورىنا پەتروپاۆل قالاسىنىڭ تۇرعىنى حابارلاسىپ، «ايبەك» دەمالىس ورنىنان كەتىپ قالعان 16 جاسار جاس ءوسپىرىمدى ىزدەپ تابۋعا كومەكتەسۋدى سۇراعان. ول تاڭعى ساعات 6.00 شاماسىندا ەشكىمدى ەسكەرتپەي بەلگىسىز جاققا كەتىپ، قاتىپ ورالماعان.
بالا اتا-اناسىمەن بىرگە قازاقستانداعى اجەسىنە قوناققا كەلگەن ەكەن. وقيعا ورنىنا بىردەن اۋداندىق پوليتسيا ءبولىمىنىڭ باسشىلارى، اۋدان پروكۋرورىنىڭ ورىنباسارى اتتاندى. جەدەل شارا قولدانىلىپ، ىزدەۋ جۇمىستارى باستالدى. تۋعان- تۋىستارىنىڭ ايتۋىمەن بالا جايىندا اقپارات الەۋمەتتىك جەلىگە ورنالاستىرىلدى. ىزدەۋگە پوليتسيانىڭ 32 قىزمەتكەرى، «كوكشەتاۋ» مەملەكەتتىك ۇلتتىق تابيعي پاركتىڭ ورمانشىلارى مەن قورىقشىلارى جۇمىلدىرىلدى. ناتيجەسىندە بالا كەشكە قاراي امان- ەسەن تابىلىپ، اتا- اناسىمەن قاۋىشتى.
«دالادا جۇرگەن بالانى كوردىم، اداسىپ كەتىپتى. ونىڭ الدىندا تەلەفونىما جوعالعان جاس ءوسپىرىم تۋرالى، ونىڭ بەلگىلەرى جازىلعان باعدار كەلگەن ەدى. بىردەن تانىدىم. پوليتسيامەن بىرگە ىزدەۋدە جۇرگەن «كوكشەتاۋ» م ۇ ت پ ارىقبالىق فيليالىنىڭ قىزمەتكەرىنە حابارلاپ ايتتىم»، - دەيدى جاس ءوسپىرىمدى تاپقان باقتاشى تاگير يننازاروۆ.