بۇل تۋرالى ق ر دەنساۋلىق ساقتاۋ ۆيتسە- ءمينيسترى - ق ر باس مەملەكەتتىك سانيتار دارىگەرى ەرلان قياسوۆ ايتىپ بەردى.
«اۋە رەيستەرىن قىسقارتۋ ماسەلەسى قازىر تالقىلانىپ جاتىر. قازىر كۋرورتتىق ماۋسىم اياقتالىپ كەلەدى. يندۋستريا جانە ينفراقۇرىلىمدىق دامۋ مينيسترلىگىمەن كۋرورتتىق قالالارعا ۇشاتىن رەيستەر بويىنشا قىسقارتۋ كەستەسى ازىرلەندى. مەنىڭ شە بۇل ءبىزدىڭ ازاماتتارىمىزعا قولايسىزدىق تۋدىرمايدى، ويتكەنى ول جاقتا دا كۇن سۋىپ، ماۋسىم جابىلىپ جاتىر. قازان ايىنىڭ ورتاسىنا دەيىن 16 رەيستى قىسقارتۋ جوسپارلانعان. ءارى قاراي، ەپيدەميولوگيالىق جاعدايعا قاراي شەشىم قابىلدايمىز»، - دەپ جاۋاپ بەردى ە. قياسوۆ قازاقپارات ءتىلشىسىنىڭ سۇراعىنا.
ايتا كەتەيىك، دەنساۋلىق ساقتاۋ ءمينيسترى الەكسەي سوي حالىقارالىق اۋە رەيستەرىن شەكتەۋدى ۇسىنعان بولاتىن. ق ر باس مەملەكەتتىك سانيتار دارىگەرىنىڭ قاۋلىسىمەن قازاننىڭ 5-ىنەن 6-سىنا قاراعان ءتۇنى اۋەجايلار حالىقارالىق رەيس جولاۋشىلارىن جاڭا ەرەجەدە قابىلداي باستايدى. جولاۋشىلارعا ساۋالناما، تەرمومەتريا جانە پ ت ر انىقتاما مىندەتتەلەدى. وسى ورايدا استانالىق اۋەجاي جاڭا كۇشەيتىلگەن تالاپتاردا قالاي جۇمىس ىستەيتىنىن كورسەتتى. سونىمەن بىرگە، باس سانيتارلىق دارىگەر كينوتەاترلاردىڭ جۇمىسىن جانداندىرۋ جونىندە پىكىر ءبىلدىردى.
اۆتور: ايجان سەرىكجان قىزى