ءىس- شارانىڭ ماقساتى - قوعامدىق قاۋىپسىزدىكتى قامتاماسىز ەتۋ، كوشەلەر مەن قوعامدىق ورىنداردا ءتيىستى قۇقىقتىق ءتارتىپتى ساقتاۋ، قىلمىسقا قارسى كۇرەستى كۇشەيتۋ جانە ەلوردا اۋماعىندا قىلمىستار مەن قۇقىق بۇزۋشىلىقتاردى الدىن الۋ.
جەدەل الدىن الۋ ءىس- شاراسىنىڭ قورىتىندىسىندا، پوليتسيا قىزمەتكەرلەرى 140 تان استام قىلمىستى اشىپ، ىزدەۋدە جۇرگەن 16 قىلمىسكەردى ۇستادى. سونىمەن قاتار، 3700 گە جۋىق اكىمشىلىك قۇقىقبۇزۋشىلىقتار انىقتالدى. ولاردىڭ ىشىندە، 1700 گە جۋىعى تىركەۋسىز نە جەكە باستى كۋالاندىراتىن قۇجاتتارسىز تۇرۋ، 430 شەتەل ازاماتتارىنىڭ ق ر-نىڭ كوشى- قون زاڭناماسىن بۇزۋى، 175 ۇساق بۇزاقىلىق پەن 70 تەن استام جۇرگىزۋشى كولىك قۇرالىن ماساڭ كۇيىندە تىزگىندەگەنى ءۇشىن ۇستالعان.
نۇر-سۇلتان قالاسى پ د جەرگىلىكتى پوليتسيا قىزمەتى باسقارماسىنىڭ باستىعى، پوليتسيا پودپولكوۆنيگى گوسمان جاكيننىڭ ايتۋىنشا، پوليتسيا قىزمەتكەرلەرى كۇشەيتىلگەن رەجىمدە جۇمىس اتقارعان. قوعامدىق ءتارتىپتى بۇزۋدىڭ ورەسكەل فاكتىلەرى بولمادى. وتكەن تاۋلىكتە 73 جول- كولىك وقيعاسى تىركەلىپ، 3 ازامات جەڭىل دەنە جاراقاتتارىن الدى. سونىمەن قاتار، ەلوردالىق پوليتسەيلەر ماساڭ كۇيىندە كولىكتى تىزگىندەگەن 6 جۇرگىزۋشىنى ۇستادى.