بۇل تۋرالى NDTV تەلەارناسى حابارلادى.
ونىڭ اقپاراتىنا قاراعاندا، مۋمبايدىڭ مالاد يست اۋدانىنىڭ وزىندە ءزاۋلىم ءۇيدىڭ قابىرعاسى باسىپ قالىپ، 13 ادام قازا تاپقان، تاعى تورتەۋى زارداپ شەككەن.
قۇتقارۋشىلاردىڭ ايتۋىنشا، تاعى بىرنەشە ادام ۇيىندىلەردىڭ استىندا قالۋى مۇمكىن. كورشى تحانا قالاسىندا مەكتەپتىڭ قابىرعاسى قۇلاپ، ءۇش ادامدى مەرت قىلعان، سونىڭ بىرەۋى - كىشكەنتاي بالا.
وڭىردە مۋسسون جاۋىنى جەكسەنبىدەن بەرى تولاستاماي تۇر. كوشەلەر وزەنگە اينالىپ، كولىك قوزعالىسىن مۇلدە توقتاتىپ تاستاعان. مۋمباي بيلىگى سەيسەنبى كۇنى بارلىق مەكتەپتەردى جاۋىپ، مەكەمەلەر ءۇشىن دەمالىس كۇنى دەپ جاريالادى.
سينوپتيكتەردىڭ ايتۋىنشا، نوسەر ازىرگە تولاستاماق ەمەس.