قازاقستان ارمياسى 16 مىڭ جاس ساربازبەن تولىعادى
پولكوۆنيك امانتاي ۇسەربايەۆ ءمالىم ەتتى، دەپ حابارلايدى قازاقپارات.
«ەلىمىزدىڭ بارلىق وڭىرلەرىندە ازاماتتاردى مەرزىمدى اسكەري قىزمەتكە شاقىرۋ جۇمىستارى ۇيىمداسقان، جۇيەلى جۇرگىزىلىپ جاتىر. وسى جۇمىستاردى ۇيىمداستىرۋ ءۇشىن بارلىق وڭىرلەردە اسكەري قىزمەتكە شاقىرۋ كوميسسياسى جانە دارىگەرلىك كوميسسيا قۇرىلعان، جۇمىستار جۇرگىزىلۋدە. وسى كوكتەمگى ۋاقىتتا قازاقستان قارۋلى كۇشتەرىنىڭ قاتارىنا 16 مىڭداي ازامات اسكەري قىزمەتكە شاقىرىلادى»، - دەدى ول.
ونىڭ اتاپ وتۋىنشە، كوكتەمگى مەرزىمدى اسكەري قىزمەتكە شاقىرۋ ناۋقانى بارىسىنداعى نەگىزگى مىندەت ق ر قارۋلى كۇشتەرىن، باسقا دا اسكەرلەرى مەن اسكەري قۇرىلىمدارىن ءتيىستى ءبىلىمى بار، فيزيكالىق جانە پسيحولوگيالىق تۇرعىدا دايىندالعان جاس ساربازدارمەن جاساقتاۋ بولىپ وتىر. بريفينگ بارىسىندا ق ر قارۋلى كۇشتەرى باس شتابى ۇيىمداستىرۋ- جۇمىلدىرۋ جۇمىستارى دەپارتامەنتىنىڭ باسشىسى، گەنەرال- مايور ءمۇسلىم دايىروۆ كوكتەمگى اسكەرگە شاقىرۋ قازاقستان قارۋلى كۇشتەرىنىڭ 25 جىلدىق مەرەيتويىنا سايكەس كەلىپ وتىرعاندىعىن اتاپ ءوتتى.
«وسىعان بايلانىستى رەسپۋبليكادا قوعامدى قاتىستىرا وتىرىپ، اسكەرگە شاقىرىلعانداردى سالتاناتتى جاعدايدا شىعارىپ سالۋ، انت بەرۋ ءراسىمىن اشىق الاڭداردا وتكىزۋ جۇرگىزىلەدى. مۇنداي اسكەري پاتريوتتىق جۇمىستار جاس ۇرپاقتىڭ ءوز وتانىن قورعاۋعا ازىرلىگىن شىڭداۋعا ىقپال ەتەدى»، - دەدى ول.
اۆتور: مارلان جيەمباي