«پوليتسەيلەر ونىڭ دوستارى مەن تانىستارىن بەلگىلەۋ بارىسىندا قۇربىلارىمەن قاراعاندى وبلىسىنا قوناققا كەتكەنىن انىقتادى. جوعالعان ۋاقىتتا وعان قارسى ەشقانداي زاڭعا قايشى ارەكەتتەر ورىن الماعان. ول استانا قالالىق ءى ءى د اۋداندىق ىشكى ىستەر باسقارماسىنا جەتكىزىلدى. يۋۆەنالدى پوليتسيا ينسپەكتورلارى ءوز ەركىمەن كەتۋىنە جول بەرمەۋ تۋرالى پروفلاكتيكالىق اڭگىمەلەسۋ وتكىزدى. قازىرگى تاڭدا كامەلەتكە تولماعان قىز زاڭ وكىلدەرىنىڭ قاتىسۋىمەن تۇسىنىك بەرۋدە»، - دەپ حابارلايدى ءى ءى د باسپا ءسوز قىزمەتى.
بۇرىن حابارلاعانىمىزداي، 29 -قاراشا كۇنى قىزدىڭ اناسى پوليتسياعا شاعىممەن كەلگەن. ول دزيۋدو جارىسىنا قاتىسقان قىزىنىڭ ارقالىقتان استاناعا كەلگەنىن، ءبىراق ۇيىنە قايتپاعانىن ايتقان. كامەلەتكە تولماعان سپورتشىنىنىڭ مەكەنجايىن انىقتاۋعا استانا قالالىق ءى ءى د جەكە قۇرامى كىرىسكەن. ىزدەستىرۋ ءىسى قوزعالدى.