تەحاس پوليتسياسى: قۇلاعان اۋە شارىنداعى 16 جولاۋشىنىڭ ءبارى قازا تاپتى
10:50, 31 - شىلدە 2016
استانا. قاز اقپارات - تەحاستا وتقا ورانعان اۋە شارىنىڭ قۇلاعان كەزىندە ەشكىم ءتىرى قالعان جوق، دەپ مالىمدەدى كالدۋەلل وكرۋگىنىڭ شەريفى.
بۇل تۋرالى بي- بي- سي ورىس قىزمەتى حابارلايدى.
بۇدان بۇرىن ب ا ق شتات استاناسىنىڭ وڭتۇستىگى جاعىنا تاياۋ جەردە ىشىندە 16 جولاۋشىسى بار اۋە شارىنىڭ قۇلاعاندىعى تۋرالى حابارلاعان بولاتىن. قۇرىلعى قۇلار الدىندا وتقا ورانعان. كەلەڭسىز جاعداي شتاتتىڭ وڭتۇستىگىندەگى لوكحارت قالاسىندا ورىن الدى.
وقيعا ورنىنا ازاماتتىق اۆياتسيانىڭ فەدەرالدىق اگەنتتىگى توبى اتتانىپ كەتتى.