اقمولا وبلىسىندا جوعالىپ كەتكەن 16 جاستاعى ستۋدەنت قىز تابىلدى
21:27, 08 - قاڭتار 2016
كوكشەتاۋ. قازاقپارات - اقمولا وبلىسىندا جوعالىپ كەتكەن 16 جاستاعى ستۋدەنت قىز تابىلىپ، اتا-اناسىنا قايتارىلدى.
بۇل تۋرالى وبلىستىق ءى ءى د باسپا ءسوز قىزمەتىنەن حابارلادى.
«اعىمداعى جىلدىڭ 1- قاڭتارىندا ءىز-ءتۇزسىز جوعالىپ كەتكەن كوللەدج ستۋدەنتىن پوليتسەيلەر شورتاندى كەنتىنەن ىزدەپ تاپتى. بويجەتكەن وسىنداعى جەكەمەنشىك ۇيدە ءوزىنىڭ 21 جاستاعى جىگىتىمەن تۇرعان بولىپ شىقتى.
قىزدىڭ ايتۋىنشا، ول ۇيىنەن ءوز ەركىمەن كەتكەن جانە سوڭىنان ىزدەگەن ادامداردىڭ جۇمىسىن قيىنداتۋ ءۇشىن ۇيالى تەلەفونىن ءوشىرىپ تاستاعان.
بويجەتكەننىڭ جوعالعانى جونىندە پوليتسياعا ونىڭ اپكەسى حابارلاعان. قىزدىڭ كامەلەتتىك جاسقا تولماعانى ەسكەرىلىپ، دەرەۋ جەدەل-ىزدەستىرۋ شاراسى قولعا الىندى.
قازىرگى كەزدە، بويجەتكەن اتا-اناسىنا قايتارىلدى»، دەلىنگەن حابارلامادا.
اۆتور: اسلان وسپانوۆ