جاپونيادا 16 مىڭعا جۋىق ادامنىڭ ءومىرىن قيعان ءزىلزالا قۇرباندارىن ەسكە الۋ شارالارى وتەدى
08:38, 11 - ناۋرىز 2015
استانا. قازاقپارات - جاپونيادا وسىدان ءتورت جىل بۇرىن 2011 - جىلدىڭ 11 - ناۋرىز كۇنى جەر سىلكىنىسىنەن قازا بولعانداردى ەسكە الۋعا ارنالعان شارالار ءوتىپ جاتىر، دەپ حابارلادى rg.ru.
2011 - جىلى ءزىلزالادان 15870 ادام قازا تاۋىپ، 6 مىڭنان استام ادام جارالانعان. ءۇش مىڭعا جۋىق ادام ءىز- ءتۇزسىز جوعالىپ كەتتى. جارتى ميلليون ادام باسپاناسىز قالدى.
جاپونيانىڭ Mainichi باسىلىمىنىڭ حابارلاۋىنشا، توحوكۋ ۋنيۆەرسيتەتىنىڭ پروفەسسورى سيندزي تودا وسى جەر سىلكىنىسىنەن كەيىن ارالدا جەر استى دۇمپۋلەرىنىڭ اراسى جيىلەپ كەتكەنىن ايتقان.
جاپونيانىڭ مەتەورولوگيا اگەنتتىگىنىڭ اقپاراتىنا سۇيەنسەك، 2014 - جىلعى 11 - ناۋرىزدان باستاپ، 2015 - جىلعى 9 - ناۋرىز ارالىعىندا حونسيۋ ارالىنىڭ سولتۇستىك- شىعىسىندا 1 دەن 7 باللعا دەيىن 737 جەر سىلكىنىسى تىركەلدى. 2011 - جىلى بولعان ءزىلزالاعا دەيىن حونسيۋدىڭ سولتۇستىك- شىعىسىندا 306 جەر سىلكىنىسى بولعان. عالىمدار بولاشاقتا جاپونيادا بۇدان دا قۋاتتى ءزىلزالا بولۋى مۇمكىن دەپ ەسكەرتەدى.