بۇل تۋرالى ب ا ق وكىلدەرىنىڭ قاتىسۋىمەن وتكەن بريفينگتە وقۋ-اعارتۋ ۆيتسە-ءمينيسترى عاني بەيسەمبايەۆ ايتتى، دەپ حابارلايدى قازاقپارات ءتىلشىسى.
«بالالار ينفراقۇرىلىمىن جاقسارتۋ، اۋلا الاڭدارىن دامىتۋ جانە جاڭا زاماناۋي نىساندار سالۋ، ولاردىڭ ءال-اۋقاتىن ارتتىرۋ باعىتىندا بيىل ەلىمىزدە 1691 نىسان اشىلدى. ونىڭ ىشىندە 38,9 مىڭ ورىنعا 458 مەكتەپكە دەيىنگى ۇيىم اشىلسا، جىل باسىنان بەرى 153 مىڭ وقۋشى ورنىنا ارنالعان 254 جاڭا مەكتەپ پايدالانۋعا بەرىلدى. مەملەكەت باسشىسىنىڭ تاپسىرماسىمەن 2023-2025-جىلدارى مەكتەپكە دەيىنگى ۇيىمداردا 222 مىڭنان استام جاڭا ورىن اشۋ جوسپارلانسا، 2023-جىلى 81 مىڭ ورىندىق مەكتەپ اشۋ قاراستىرىلعان»، - دەپ ءمالىم ەتتى عاني بەيسەمبايەۆ.
ونىڭ ايتۋىنشا، كەلەر جىلدان باستاپ زاماناۋي 100 وقۋشىلار سارايى، مۋزىكا جانە ونەر مەكتەپتەرى، وقۋشىلار ۇيلەرى مەن قالا سىرتىنداعى 50 جاڭا ساۋىقتىرۋ لاگەرلەرىنىڭ قۇرىلىسى باستالادى.