ب ا ءا- دە 168 ەل جاڭارتىلاتىن ەنەرگيا كوزدەرى ماسەلەسىن تالقىلادى
بۇل تۋرالى ەنەرگەتيكا ۆيتسە- ءمينيسترى جاندوس نۇرماعانبەتوۆ ءابۋ- دابي قالاسىندا وتكەن IRENA اسسامبلەياسىنىڭ ⅩⅢ سەسسياسىندا ايتتى، دەپ حابارلايدى قازاقپارات.
حالىقارالىق اگەنتتىك (IRENA) اسسامبلەياسىنىڭ سەسسياسىندا جاڭارتىلاتىن ەنەرگيا كوزدەرى ماسەلەسى تالقىلاندى. وعان 168 ەلدىڭ دەلەگاتتارى قاتىستى.
اسسامبلەيانىڭ پلەنارلىق سەسسياسىندا بايانداما جاساي وتىرىپ، ەنەرگەتيكا ۆيتسە- ءمينيسترى جاندوس نۇرماعانبەتوۆ قازاقستان حالىقارالىق قوعامداستىقپەن قاتار جاڭارتىلاتىن ەنەرگيا كوزدەرىن دامىتۋعا ۇلكەن كوڭىل بولەتىنىن، 2060 -جىلعا قاراي كومىرتەكتى بەيتاراپ ەل بولۋعا ۇمتىلاتىنىن مالىمدەدى. بۇدان بولەك قازاقستان تۇراقتى دامۋ ماقساتتارىنا، پاريج كەلىسىمى بويىنشا مىندەتتەمەلەردى ورىنداۋعا مىندەتتەنەدى جانە ۇزاق مەرزىمدى پەرسپەكتيۆادا ەنەرگيا كوزدەرىن ءارتاراپتاندىراتىن بولادى.
فورۋم جۇمىسىنا قاتىسۋ اياسىندا قازاقستاندىق دەلەگاتسيا IRENA باسشىلىعىمەن ەكىجاقتى كەزدەسۋ وتكىزدى. ونىڭ بارىسىندا قازاقستاندا ورتالىق ازيا ەلدەرى بويىنشا سەمينار ۇيىمداستىرۋ تۋرالى ماسەلە تالقىلاندى. سەمينار كورشى ەلدەردىڭ ەنەرگەتيكالىق اۋىسۋدى جەدەلدەتۋ جانە ءوڭىردىڭ اۋقىمدى جاڭارتىلاتىن رەسۋرستارىن پايدالانۋ جونىندەگى بىرلەسكەن كۇش- جىگەرىنە ارنالعان.
فوتو: :gov.kz