بۇل تۋرالى قازاقپارات ەڭبەك مينيسترلىگىنە سىلتەمە جاساپ حابارلايدى.
2021 -جىلعى 1-شىلدەدەگى جاعداي بويىنشا 168,3 مىڭ وتباسىنداعى 816,2 مىڭ ادامعا اتاۋلى الەۋمەتتىك كومەك تاعايىندالدى. اعىمداعى جىلى وسى ماقساتتارعا بيۋدجەتتەن 122,8 ميلليارد تەڭگە ءبولىندى. ا ا ك وتباسىنىڭ ءاربىر مۇشەسىنە جان باسىنا شاققانداعى ورتاشا تابىسى وڭىرلىك ەڭ تومەنگى كۇنكورىس دەڭگەيىنىڭ p ىنان تومەن ازاماتتارعا تاعايىندالادى.
بۇدان باسقا، ا ا ك كورسەتۋدىڭ جاڭا تەتىگىن ىسكە اسىرۋ شەڭبەرىندە ەلىمىزدىڭ بارلىق وڭىرلەرىندە تابىسى از وتباسىلاردىڭ مەكتەپ جاسىنا تولماعان بالالارىن كەپىلدىك بەرىلگەن الەۋمەتتىك توپتامامەن (بۇدان ءارى - الەۋمەتتىك توپتاما) قامتاماسىز ەتۋ بويىنشا جۇمىس جۇرگىزىلۋدە. 2021 -جىلعى 1-شىلدەدە ا ا ك الۋشىلار قاتارىنداعى 1 جاستان 6 جاسقا دەيىنگى 201,5 مىڭ بالاعا ازىق- تۇلىك جانە تۇرمىستىق حيميا زاتتارىنىڭ جيىنتىعى تۇرىندە الەۋمەتتىك توپتاما تاعايىندالدى.
ەستەرىڭىزگە سالا كەتەيىك، ا ا ك الۋشىلارعا ت ج رەجيمى مەن كارانتيندىك شەكتەۋ شارالارىنىڭ قولدانىلۋىنا بايلانىستى 2020 -جىلعى II، III جانە IV توقسانداردا، سونداي-اق 2021 -جىلعى I، II توقسانداردا كومەك تاعايىنداۋ ۇزارتىلدى. قازىرگى ۋاقىتتا قازاقستاندىقتار ا ا ك تاعايىنداۋعا ءوتىنىشتى تۇرعىلىقتى جەرى بويىنشا جۇمىسپەن قامتۋ ورتالىعىندا، سونداي-اق egov.kz ەلەكتروندىق ۇكىمەت پورتالى ارقىلى بەرە الادى.