«پوليتسيا قىزمەتكەرلەرى مەن ۇلتتىق ۇلاننىڭ اسكەري قىزمەتشىلەرى قۇقىقتىق ءتارتىپتى قامتاماسىز ەتە وتىرىپ، تاۋلىك بويى كوشەلەردە شولعىنداۋ جۇرگىزدى. نۇر- سۇلتان قالاسىندا جەدەل- الدىن الۋ شاراسى وتكىزىلگەن 7 كۇننىڭ ىشىندە 167 قىلمىس تىركەلىپ، ونىڭ 133 ءى ءىزى سۋىماي اشىلدى» ، - دەلىنگەن نۇر- سۇلتان قالالىق پوليتسيا دەپارتامەنتى تاراتقان اقپاراتتا.
ماسەلەن، كريمينالدىق پوليتسيا قىزمەتكەرلەرى 28 جاستاعى كىسى توناۋشىنى ۇستادى. كۇدىكتى كۇندىزگى ۋاقىتتا گەتە كوشەسى بويىنداعى ۇيلەردىڭ ءبىرىنىڭ اۋلاسىندا ءوتىپ بارا جاتقان تۇرعىندى سوققىعا جىعىپ، توناپ كەتكەن. ول زارداپ شەگۋشىنىڭ اقشاسىن تارتىپ الىپ، ۇستىندەگى كۇرتەشەسىن شەشىپ العان. بۇزاقى ءىز سۋىماي قولعا ءتۇسىپ، پوليتسيا دەپارتامەنتىنىڭ ۋاقىتشا وقشاۋلاعىشىنا قامالدى. ق ر قىلمىستىق كودەسىنىڭ 191-بابى 2-بولىگى بويىنشا سوتقا دەيىنگى تەرگەۋ جۇرگىزىلىپ جاتىر.
«سونىمەن قاتار شارا اياسىندا بۇرىن جاسالعان 79 قىلمىس اشىلىپ، ىزدەۋدە بولعان 22 قىلمىسكەر ۇستالدى. «قۇقىقتىق ءتارتىپ» شاراسى بارىسىندا ءتۇرلى اكىمشىلىك قۇقىق بۇزعانى ءۇشىن شامامەن 6 مىڭ ادام، ونىڭ ىشىندە 933 ادام سپيرتتىك ىشىمدىك ءىشىپ، تىنىشتىقتى بۇزعانى، 826 ادام كىشىگىرىم بۇزاقىلىق جاساعانى ءۇشىن جاۋاپكەرشىلىككە تارتىلدى»، - دەپ اتاپ وتەدى دەپارتامەنتتەن.