ءۇندىستاندا تابيعي اپاتتان 166 ادام كوز جۇمدى
08:23, 20 - ماۋسىم 2023
نيۋ-دەلي. انادولى - قازاقپارات - ءۇندىستاندا كەيىنگى بىرنەشە كۇندە اپتاپ ىستىقتان 166 ادام كوز جۇمدى، تاعى جۇزدەگەنى اۋرۋحاناعا ءتۇستى.
قازاقپارات بۇل تۋرالى انادولى اگەنتتىگىنە سىلتەمە جاساپ حابارلايدى.
جەرگىلىكتى بيلىكتىڭ مالىمەتىنە سايكەس، اپتاپ ىستىق ۋتتار پرادەش (119 ادام قازا بولدى) جانە بيحار (47 ادام) شتاتتارىندا تىركەلىپ وتىر.
ءبىرقاتار اۋداندا تەمپەراتۋرا 43,5 گرادۋسقا جەتتى.
بيحار پروۆينسياسىنىڭ اكىمشىلىك ورتالىعى - پاتنا قالاسىندا 24-ماۋسىمعا دەيىن كانيكۋل جاريالاندى.
بيلىك وكىلدەرى كۇننىڭ كوزى ۇياسىنا باتقانشا عيماراتتان تىس شىقپاۋعا ۇندەدى.