ۆەدومستۆونىڭ مالىمەتىنشە، شارا بارىسىندا 9 ۋاكىلەتتى ەكونوميكالىق وپەراتور مەن 1 فيليالى كوشپەلى كەدەندىك تەكسەرۋلەردى اياقتادى، قوسىمشا ەسەپتەۋ سوماسى 107 ميلليارد تەڭگەنى قۇرادى. سونداي- اق، 58 ميلليارد تەڭگەگە سالىق تولەۋدەن جالتارۋ دەرەكتەرى انىقتالدى.
«ءۇش جىل ىشىندەگى بۇزۋشىلىقتاردىڭ جالپى سوماسى - 165 ميلليارد تەڭگە. بۇدان باسقا، 398 ميلليارد تەڭگەگە جالعان ەلەكتروندىق شوت- فاكتۋرالاردى جازىپ بەرۋ بەلگىلەرى بار. الدىن الا شىعىن سوماسى - 128 ميلليارد تەڭگە. ماتەريالدار قىلمىستىق ءىس قوزعاۋ ماسەلەسىن قاراۋ ءۇشىن قۇقىق قورعاۋ ورگاندارىنا بەرىلدى. سونىمەن قاتار 151 يمپورتتاۋشىنىڭ جالعان ەلەكتروندىق شوت- فاكتۋرالار جازىپ بەرۋ بەلگىلەرى بويىنشا ماتەريالدارى قارجى مونيتورينگى اگەنتتىگىنە جىبەرىلدى»، - دەلىنگەن كوميتەت حابارلاماسىندا.
بۇل بۇزۋشىلىقتار مەملەكەتتىك كىرىستەر كوميتەتىنىڭ اقپاراتتىق جۇيەلەرىنىڭ ارقاسىندا انىقتالعان، ولاردىڭ بازاسىندا تاۋارلاردى يمپورتتان بولشەك ساۋداداعى ەكسپورتقا دەيىن قاداعالاۋ جۇيەسى جۇمىس ىستەيدى. بۇگىندە كەدەندىك دەكلاراتسيالاردىڭ % 100- ى ەلەكتروندى تۇردە بەرىلەدى، سىرتقى ەكونوميكالىق قىزمەتكە قاتىسۋشىلار كەيىننەن اكىمشىلەندىرۋ كەزىندە پايدالانىلاتىن مالىمەتتەردى دەربەس مالىمدەيدى.